Hvernig notum við ofninn?
Ef þíða á matvæli í örbylgjuofni er mikilvægt að nota lága stillingu svo
maturinn soðni ekki að utan á meðan hann er frosinn að innan. Eldunar-
tími í örbylgjuofni fer eftir því hve mikið er sett í ofninn í einu. Litlir skammtar
þurfa ekki nema skamma stund í ofninum en matreiðsla á stórum
skömmtun tekur mun lengri tíma, jafnvel lengri en í venjulegum ofni. Það
má því segja að það henti best að nota örbylgjuofninn fyrir litla skammta
og með því móti sparast orka.
Helstu kostir örbylgjuofnsins
•
Fljótlegt að elda litla skammta.
•
Sparar orku ef einungis á að elda litla skammta.
•
Auðvelt að hreinsa ofninn.
•
Sparar uppvaskið – hægt er að hita matinn á sama diski og
borðað er af.
•
Minni hætta á að brenna sig.
•
Næringarefnin varðveitast betur (því eldunartíminn er stuttur).
•
Hentar vel fyrir blinda.
Örbylgjuofninn hentar því vel ef þið viljið hita upp mat eða brauð
þegar þið komið heim úr skólanum.
Helstu ókostir örbylgjuofnsins
•
Ef verið er að elda fyrir marga (mikið magn er sett í ofninn) þá tekur
jafn langan tíma að elda í honum og í venjulegum ofni. Auk þess er
maturinn mest soðinn þegar hann kemur úr örbylgjuofninum en
hann brúnast yfirleitt ekki.
•
Örbylgjuofn hentar ekki til baksturs. Það má því segja að örbylgju-
ofninn geti ekki komið í staðinn fyrir ofninn í eldavélinni en hann
er þægilegt heimilistæki sem gott er að hafa sem viðbót við
bökunarofn.
36
