26
Slík tímastjórnun á einkum við verkefni sem vinna á yfir tiltekinn
tíma en hentar einnig við vinnu í kennslustund, einkum fyrir yngstu
nemendurna.
•
Hafa
verkefnablöð skýrt uppsett
, lífleg og myndræn. Verkefni með
eyðufyllingum og krossaspurningum henta vel mörgum nemendum.
Leitast við að draga úr skriftarkröfum með því að fækka opnum spurn-
ingum. Ef svara á spurningum er æskilegt að hafa pláss fyrir svör á
sama blaði.
•
Stroka ekki of fljótt út
skrifleg fyrirmæli á töflu heldur leyfa þeim að
standa.
•
Gæta þess að
markmið
hópverkefna sé skýrt, orðalag ljóst og að
nemendur fái tíma til að hugsa sig um og ráðfæra sig við sessunaut
áður en hópumræður fara í gang.
•
Skrá heimanám í Mentor
til að auðvelda foreldrum að fylgjast með.
Kynna fyrir foreldrum kennsluáætlun, námsleiðarvísa og upplýsingar
um langtímaverkefni, skiladaga verkefna og prófdaga í byrjun annar.
Nauðsynlegt getur verið að endurtaka eða minna á á miðri önn.
•
Í vissum tilvikum getur hjálpað að hafa
tvö sett af kennslubókum
,
annað í skólanum og hitt heima þar sem börnum með ADHD hættir
til að gleyma og týna skóladótinu sínu. Jafnframt má benda foreldrum
á að gott er að eiga líka nóg af skriffærum.
•
Reynst getur vel að barnið fái
stuðning við heimavinnu í skólanum
,
sérstaklega ef foreldrar eiga erfitt með að aðstoða barnið við
heimanám.
•
Gæta þess að börnin fái að
njóta sinna sterku hliða
, fela þeim hlut-
verk eins og að leiðbeina sér yngri nemendum, séu þau sérstaklega
góð í einhverju, eða taka að sér verkefni sem þau ráða við, t.d. að
hjálpa húsverðinum, kennaranum o.s.frv. Slík verkefni geta bæði veitt
gleði og styrkt sjálfsmyndina.
Byrjun kennslustundar
•
Hljóðmerki gefið um að kennslu-
stundin sé byrjuð.
•
Viðfangsefni skráð á töflu.
•
Skýrt frá hvað á að gera, hvaða
gögn á að nota og hverju á að skila.
•
Augnsambandi náð við nemanda
með ADHD.
Kennslustundin
•
Áhersla á skýr fyrirmæli og sjónrænar
leiðbeiningar.
•
Nem. fær að vinna í lotum með
stuttum hléum.
•
Merki eins og snerting á öxl, gulur miði
á borðið, til að halda nem. að verki.
•
Nem. fær e-ð til að handfjatla, t.d.
lítinn svampbolta, til að losa um
spennu.
•
Nem. ekki látinn leysa flókin verkefni
fyrir framan aðra.
Lok kennslustundar
•
Farið yfir helstu atriðin.
•
Ef sett er fyrir verkefni eru
a.m.k. tveir nemendur beðnir að
endurtaka hvað á að gera og loks
bekkurinn í kór. Líka skrifað á töflu.
•
Skýrt tekið fram hvað á að fara með
heim.
Dæmi um skipulag kennslustundar sem tekur mið af þörfum nemenda með ADHD.