Page 53 - Sjálfbærni - Ritröð um grunnþætti menntunar

Grunnþættir menntunar
51
Umræður: CO2 merkin talin. Öll merkja þau mengun andrúmslofts sem aftur
leiðir til hlýnunar loftslags á Jörðinni með ófyrirséðum afleiðingum. Getum við
kynnt okkur ræktun hrísgrjónanna og aðbúnað og laun bændanna? Hvað kostar
þessi framleiðsla og flutningur náttúruna? Getum við minnkað þann kostnað?
Samanburður: Sams konar flæðirit gert fyrir bygg sem er ræktað á Íslandi og
yfirleitt á lífrænan hátt. Margir nota bygg í stað hrísgrjóna. Hafa nemendur reynt
það? Hver er munurinn á kostnaði náttúrunnar þegar við borðum bygg eða
hrísgrjón? Hvort er betra fyrir náttúruna? (Svipað verkefni er í Náttúruverkefnunum
og sambærilegt verkefni hefur verið útfært og er vinsælt í Foldaskóla.)
Menntun til sjálfbærni
Markmið:
• Að skilja þá hugsun sem felst í hugtakinu sjálfbærni.
• Að efla umhverfisvitund; þekkingu, skilning og væntumþykju á náttúru,
umhverfi og fólki.
• Að auka vilja til náttúruverndar og virðingu fyrir fjölbreytileika náttúru og
mannlífs.
• Að temja sér lífsvenjur sem stuðla að heilbrigði Jarðar, náttúru og fólks.
• Að þjálfa hæfni til lýðræðis; samlíðan með fólki, gagnrýna hugsun og
samskipti.
• Að horfa til framtíðar, virða rétt komandi kynslóða til sæmandi lífs og
heilbrigðis.
Kveikjur:
• Útinám og útikennsla; horfa, snerta, hlusta, lykta, upplifa, spyrja, ræða,
greina, nefna.
• Setja sig í spor; ólíkar aðstæður, ólíkt verðmætamat, ólíkur tími.
• Fjölmiðlaumfjöllun, frétt, kvikmynd, frásögn, söngtexti.
• Saga, þjóðsaga, dæmisaga.
• Verkefni.
• Leikir.