Ýmsar leiðbeiningar hafa verið kynntar til að auðvelda okkur að velja holla, fjöl-
breytta fæðu. Þar má nefna þætti eins og ráðleggingar Lýðheilsustöðvar um matar-
æði fyrir fullorðna og börn frá tveggja ára aldri, fæðuhringinn og slagorðið fimm á
dag, þar sem ráðlagt er að neyta að minnsta kosti fimm skammta af ávöxtum og
grænmeti daglega. Um alla þessa þætti má lesa á heimasíðu Lýðheilsustöðvar.
Megininntakið í öllum þessum leiðbeiningum er að fæðið skuli vera fjölbreytt, mikið
af ávöxtum og grænmeti en minna af fitu og sykri.
Þá hafa verið sett fram viðmiðunargildi um æskilega samsetningu orkuefnanna í
fæðunni og ráðlagða dagskammta fyrir bætiefnin.
Samkvæmt norrænum leiðbeiningum er talið æskilegt að orkuneyslan dreifist
þannig yfir daginn:
•
Morgunverður 20–25%
•
Hádegisverður 25–35%
•
Kvöldverður 25–30%
•
1–3 næringarríkir millibitar 5–30%
Til að fylgjast með samsetningu fæðunnar er þægilegt að nýta sér tölvuforrit sem
reiknar út næringargildi fæðunnar. Eitt slíkt er forritið Matarvefurinn (
vefurinn.is). Þar er hægt að færa inn það sem borðað er yfir daginn, láta forritið
reikna út orku og næringarefni og bera niðurstöðuna saman við ráðlagða dag-
skammta og æskilega dreifingu orkunnar. Þá er einnig hægt að athuga úr hvaða
matvælum helstu næringarefnin koma.
hvernig er mataræðið?
8
VERKEFNI
Glas
200 g
Bolli
150 g
Matskeið
15 g
Teskeið
5 g
1 ml af vatni
1 g
Neyslukönnun í einn dag. Skráðu hjá þér allt sem þú borðar og drekkur á einum degi.
Skammtana er hægt að skrá í stykkjum, glösum, bollum, matskeiðum, teskeiðum eða
millilítrum eða grömmum ef borðað er beint úr umbúðunum eða vigta það sem borðað er.
Skráðu svo neyslu þína inn í forritið
Matarvefurinn og láttu það reikna út neyslu þína.
Mundu að skrá þig sem notanda og færa inn
aldur þinn og meðalhreyfingu svo forritið geti
notað réttu viðmiðunargildin fyrir þig.