Page 45 - ADHD og farsæl skólaganga

43
stuðning. Kennarar þurfa að vera vakandi fyrir úrræðum og tækifærum
sem stuðla að því að félagslega einangraðir nemendur taki þátt í
leikjum og viðfangsefnum með traustum og ábyrgum skólafélögum.
Ýmiss konar námsefni, til dæmis í lífsleikni, hefur þann tilgang að
efla og styrkja samskiptahæfni nemenda og koma í veg fyrir einelti og
félagslega einangrun.
Þverfagleg teymisvinna
Þar sem ADHD er flókin röskun, hvert barn er með sína samsetningu
af ADHD og oft með fleiri en eina fylgiröskun til viðbótar, koma
gjarnan margar stofnanir og sérfræðingar að máli hvers barns. Traust
samvinna þessara þjónustuaðila er því lykilatriði til að sem bestur
árangur náist og þjónustan verði skilvirk.60
Árangursrík teymisvinna
Mikils er um vert að samþætta þjónustu milli opinberra stofnana sem
sinna málefnum barna og unglinga með ADHD. Þverfagleg samvinna
sem byggist á traustri þekkingu og gagnreyndum aðferðum skapar
aukinn skilning á röskuninni og eykur líkur á árangursríkri meðferð.61
Víða er reynt að koma á þverfaglegu þjónustuteymi þar sem það
hefur gefið góða raun við að greiða götur barns eða unglings með
ADHD, bæði í skóla og samskiptum við aðra í daglegu lífi. Þverfaglegt
teymi hefur það verkefni að leita lausna til að koma í veg fyrir náms-
og hegðunarörðugleika og félagslega árekstra og greiða úr þeim; draga
úr hamlandi einkennum, bæta hegðun, líðan og félagslega aðlögun.
Þá sinnir teymið oft ráðgjafarhlutverki gagnvart forráðamönnum
og starfsfólki skóla og heldur utan um samræmingu aðgerða heima
og í skólanum. Enn fremur fylgist það með framvindu og árangri
starfsins og bregst við í samræmi við þarfir. Það getur einnig kallað
á utanaðkomandi aðstoð eða leitað ráðgjafar annarra, sem ekki sitja
reglulega teymisfundi, ef með þarf.62
Þjónustuteymi eru yfirleitt stofnuð að frumkvæði starfsfólks skóla,
annarra fagaðila og stundum að frumkvæði forráðamanna. Teymið
samanstendur gjarnan af umsjónarkennara og einhverjum af eftirtöld-
Félagsfærniþjálfun:
• Góðar fyrirmyndir
• Skýrar leiðbeiningar
• Hlutverkaleikur
• Markviss endurgjöf