Page 51 - ADHD og farsæl skólaganga

Basic HTML Version

með ADHD.

Þessi foreldrahópur getur átt í erfiðleikum með að átta

sig á og fara eftir leiðbeiningum fagfólks og fylgja áætlunum um að

bæta hegðun og frammistöðu barna sinna þannig að þær skili tilætluð-

um árangri.

Í slíkum tilvikum er brýnt að kennarar sýni aðstæðunum

skilning, minni foreldra á fundi og bekkjarkvöld, til dæmis með sms-

skilaboðum, séu í sambandi við þá bæði í gegnum síma og net og gæti

þess að fjalla ekki um mörg mál samtímis. Skilaboð þurfa að vera skýr,

hnitmiðuð og vafningalaus.

Lokaorð

Þegar grunur er um ADHD hjá barni verður ekki hjá því komist að

greina vandann til þess að geta veitt barninu viðeigandi meðferð.

Taugasálfræðilegir veikleikar eru ekki augljósir og ekki eins hjá öllum

börnum. Þrátt fyrir að viðurkenndar greiningaraðferðir ADHD bygg-

ist á mati á hegðun barnanna er birtingarform vandans öllu flóknara

og kemur fram í skertri námsfærni, félagsfærni og almennri lífsleikni.

Snemmtæk inngrip og viðeigandi meðferð geta mögulega fyrirbyggt að

vandinn vaxi og að barnið þrói með sér alvarlega fylgikvilla, sérstaklega

þegar kemur fram á unglingsár.

Í skóla án aðgreiningar er kennurum ætlað að koma til

móts við vaxandi fjölda nemenda með sérþarfir og því aug-

ljóst að kennarastarfið er mun flóknara og meira krefjandi en

oft áður. Þess vegna skiptir miklu að kennarar hafi sterkt bakland

þar sem þeir geta leitað aðstoðar þegar þeir takast á við flókinn

vanda nemenda. Seint verður nógsamlega undirstrikað mikil-

vægi samráðs og samvinnu kennara og foreldra barna sem

eiga á brattann að sækja. Slíkt samstarf léttir róðurinn og eykur

á gagnkvæman skilning og samheldni. Umsjónarkennarar eru

lykilmenn í því samstarfi og sérstaklega reynir á umsjónarkennara

á unglingastigi í þessu efni þegar kennurum fjölgar og skóladagur nem-

enda verður sundurslitnari en venja er á yngri stigum.

Börn með ADHD eiga það flest sameiginlegt að félagsfærni þeirra

er skert. Því er mikið um félagslega einangrun hjá þessum börnum

en langvarandi félagsleg einangrun getur haft alvarlegar afleiðingar