Page 14 - ADHD og farsæl skólaganga

12
• huga illa að smáatriðum og gera oft fljótfærnislegar villur
• týna oft og gleyma hlutum
• truflast auðveldlega af utanaðkomandi áreiti og einnig af áreiti
eigin hugsana
• eru gleymin í athöfnum daglegs lífs
Einkenni ofvirkni eru meðal annars að börn og unglingar
• eru stöðugt á ferðinni
• tala óhóflega mikið
• eru með hendur og fætur á sífelldu iði
• fara úr sæti í skólastofu eða við aðrar aðstæður þar sem
ætlast er til kyrrsetu
• hlaupa um eða príla óhóflega við aðstæður þar sem slíkt á ekki við
• eiga erfitt með að vera hljóð við leik eða tómstundastarf
Einkenni hvatvísi eru meðal annars að börn og unglingar
• eiga erfitt með að bíða eftir að röðin komi að þeim
í hópvinnu eða leik
• grípa fram í eða ryðjast inn í samræður eða leiki
• grípa fram í með svari áður en spurningu er lokið
• taka óígrundaðar ákvarðanir
• framkvæma án þess að hugsa
Í ljósi þess sem að framan hefur verið nefnt hefur ADHD margþætt
áhrif en skert stýrifærni heilans veldur því m.a. að nemendur með
ADHD geta átt erfitt með:
• Að koma sér að verki, skipuleggja verkefni, áætla tíma og
forgangsraða. Þeir hafa sterka tilhneigingu til að fresta verki fram á
síðustu stundu.
• Að halda einbeitingu og að færa athygli frá einu verkefni á annað.
Þeir truflast auðveldlega, jafnt af áreiti í umhverfi og sínum eigin
hugsunum. Mörgum þeirra getur reynst erfitt að einbeita sér við
lestur, þurfa að lesa oftar en einu sinni sama efnið til að ná tökum á
því og skilja innihaldið.
• Að ljúka við verkefni á tilsettum tíma og halda jöfnum vinnsluhraða
vegna úthaldsleysis. Þeir vaða gjarnan úr einu í annað. Margir segjast
geta leyst verkefni sem taka stuttan tíma í vinnslu en eiga mun
erfiðara með verkefni sem taka lengri tíma.