11
Einkenni ADHD
Hjá sumum börnum eru einkenni ADHD, og þá sérstaklega ofvirkni-
einkenni, augljós strax á leikskólaaldri. Erfitt reynist að fá börnin til að
fylgja einföldum leiðbeiningum og við minnsta mótlæti geta þau verið
fljót að stökkva í burtu eða atast í bekkjarsystkinum. Önnur börn með
ADHD sýna ekki eins hömlulausa hegðun, röskun þeirra birtist fremur
í lakari námsgetu en vitsmunaleg geta gefur tilefni til og kemur jafn-
vel ekki fram fyrr en í 3. eða 4. bekk grunnskóla. Þótt sum börn með
ADHD geti virst hvatvís, sítalandi og eirðarlaus draga önnur sig í hlé
og láta sig hverfa á vit dagdrauma í kennslustundum.
20
Einkenni ADHD taka iðulega töluverðum breytingum með aldri.
Sérstaklega á þetta við um hvatvísi og ofvirkni sem breytist hjá
unglingum og birtist frekar í innri spennu, eirðarleysi og skapstyggð.
Athyglisbrestseinkennin vara hins vegar oft fram á fullorðinsár.
21
Helstu einkennum ADHD má skipta í þrjá flokka, þ.e. athyglisbrest,
ofvirkni og hvatvísi.
Einkenni athyglisbrests eru meðal annars að börn og unglingar
•
eiga erfitt með að halda athygli við leiki, verkefni og nám
•
virðast ekki hlusta þegar talað er beint til þeirra
•
fylgja ekki fyrirmælum til enda og ljúka ekki við verkefni, fresta þeim
•
eiga erfitt með að skipuleggja verkefni og athafnir, áætla tíma,
forgangsraða og koma sér að verki
•
forðast viðfangsefni sem krefjast mikillar einbeitingar (til dæmis
heimanám og skrifleg skólaverkefni)
Einkenni ADHD:
•
Athyglisbrestur
•
Ofvirkni
•
Hvatvísi