1. Skoðaðu töfluna hér að neðan og merktu x í þá reiti sem þú heldur að sendandinn sé að höfða til ungra eða eldri áhorfenda. Berðu niðurstöðurnar síðan saman við niðurstöður bekkjarfélaga þinna.

2. Ímyndum okkur að kosningar standi fyrir dyrum og stjórnmálaflokkar láti útbúa kynningarbækling um helstu markmið sín og stefnu. Að sjálfsögðu myndu þeir reyna að sýna sig í eins hagstæðu ljósi og hægt er. Og ég get lofað þér að þeir munu ekki fjalla um aðra flokka á jafn jákvæðan hátt og sinn eigin! Boðskapurinn, innihaldið í bæklingnum mun einkennast af atriðum sem geta orðið þess valdandi að kjósendur kjósi einmitt þennan flokk en ekki einhvern annan. Boðskapurinn tekur mið af móttakendum. Ef tilgangur boðskapsins er að ná til ungra kjósenda mun flokkurinn leggja áherslu á að fjalla um málefni sem höfða til þess hóps. Málefnin gætu snúist um lækkun tolla á geisladiskum, fjölgunar skemmtistaða fyrir ungt fólk, aukið fé til íþróttafélaga eða aðgerðir gegn atvinnuleysi. Ef móttakendurnir væru gamalt fólk myndi flokkurinn leggja áherslu á að fjalla um öldrunarmál og ellilífeyrisaldur í bæklingum.

Hér eru hugmyndir um málefni sem stjórnmálaflokkur gæti sett í áróðursbækling til ólíkra mótttakenda. Ræðið hugmyndirnar í bekknum, finnið rök fyrir af hverju málefnin gætu höfðað til ólíkra aldurshópa og reynið að finna fleiri atriði sem hægt væri að bæta við: