77 / 92
Kafli 5 • Líkindareikningur
75
5.46
„Græn“ veðurspá (sjá dæmi 5.45) rætist í meira en 70% tilvika.
Útbúðu hermun með tíu-verpli eða tíu bréfmiðum.
a
Lýstu því hvernig hægt væri að framkvæma hermunina.
b
Framkvæmdu og skráðu tíu hermitilraunir. Hve margar þessara
veðurspáa munu líklega rætast?
c
Framkvæmdu hermun þar sem þú átt að finna hve líklegt
er að „græn“ veðurspá rætist þrjá daga í röð.
5.47
Settu ruslafötuna í bekkjarstofunni út á gólfið. Gangið fram saman,
tvö og tvö og staðnæmist um það bil 3 m frá ruslafötunni.
Vöðlið saman blaði í lítinn bolta og kastið til skiptis í ruslafötuna.
a
Kastið fyrst tíu og síðan tuttugu sinnum. Setjið upp í töflu
hvert um sig og skráið hve oft þið hittuð í fötuna.
b
Hvaða líkur, byggðar á þessari tilraun, eru á að þú hittir í ruslafötuna?
5.48
Um það bil 27% norskra kvenna fá krabbamein einhvern tímann í lífinu.
Útbúðu hermun um þetta með töflureikni eða með því að nota bréfmiða
í mismunandi litum í bolla eða skál.
a
Lýstu því hvernig hermunin virkar.
b
Framkvæmdu og skráðu niður 50 hermitilraunir. Hve margar
kvennanna munu líklega fá krabbamein samkvæmt þessu?
c
Um það bil 33% norskra karlmanna fá krabbamein einhvern tímann
í lífinu. Hvernig væri hægt að breyta hermuninni í a þannig að nota
megi hana fyrir hermitilraunir um karlmenn?
5.49
11% af mannfjöldanum á Íslandi er eldri en 67 ára en 20% eru yngri en
15 ára. Hermdu eftir því að draga út íbúa á Íslandi af handahófi með því að
nota töflureikni eða litaða miða. Þú átt að finna líkur á að draga fyrst út
íbúa eldri en 67 ára og síðan íbúa yngri en 15 ára.
a
Lýstu því hvernig hægt væri að framkvæma hermunina.
b
Framkvæmdu og skráðu niður 20 hermitilraunir. Hve margir af þessum
dráttum gefa þér fyrst íbúa eldri en 67 ára og síðan íbúa yngri en 15 ára?
c
Framkvæmdu hermun þar sem þú átt að finna líkur á að þú dragir út þrjá
íbúa yngri en 15 ára hvern á fætur öðrum. Hve marga drætti þarftu þá
að framkvæma?