![Show Menu](styles/mobile-menu.png)
![Page Background](./../common/page-substrates/page0061.png)
Kafli 5 • Líkur og talningarfræði
59
5.103
Lukkuhjóli er skipt í 24 jafn stór svæði. Svæðin á að lita með færri en
24 mismunandi litum. Líkurnar á að fá hvern lit eiga að vera jafnar.
Hve marga liti er þá hægt að nota og hve mörg svæði verða í hverjum lit?
Finndu alla möguleikana.
5.104
Myndirnar hér á eftir sýna fjórar mismunandi skálar með lituðum kúlum.
Hugsaðu þér að þú dragir blindandi eina kúlu.
a
Úr hvaða skál eru mestu líkurnar á að draga rauða kúlu?
b
Úr hvaða skál eru nákvæmlega 50% líkur á að draga gula kúlu?
c
Úr hvaða skál eru minnstu líkur á að draga gula kúlu?
d
Hverjar eru líkurnar á að draga græna kúlu úr hverri af skálunum fjórum?
5.105
Á parísarhjóli eru 18 vagnar. Gústaf er í langri biðröð til að komast
í parísarhjólið. Hverjar eru líkurnar á að hann lendi í vagni nr. 15?
5.106
Tveir og tveir bekkjarfélagar eiga að vinna þetta verkefni saman.
Þið þurfið kubba, bréfaklemmur eða eitthvað annað sem er í
mismunandi litum og tvö stór box handa hvorum.
Þið veljið ykkur hvor um sig 12 litla hluti í ákveðnum litum en gætið þess
að hinn nemandinn sjái ekki hvaða hlutir verða fyrir valinu með því að setja
þá í boxið. Nú dragið þið hluti úr boxi hvor annars og skilið þeim aftur í
boxið. Þið gætið þess að blanda hlutunum vel í hvert sinn. Þið dragið að
minnsta kosti 50 sinnum og skráið nákvæmlega í hvert sinn hvaða lit þið
dragið.
a
Notið niðurstöðurnar til að giska á litasamsetningu hlutanna
hjá bekkjarfélaganum.
b
Notið niðurstöðurnar til að finna hve miklar líkur eru á hverjum lit
í næsta drætti.
A
B
C
D