![Show Menu](styles/mobile-menu.png)
![Page Background](./../common/page-substrates/page0054.jpg)
Skali 2B
52
5.69
Kennari kastar þremur teningum til að ákveða hvort nemendur eigi að taka
próf. Ef summa talnanna þriggja verður minni en 8 verður prófið lagt fyrir.
a
Hverjar eru líkurnar á að nemendur þurfi að taka prófið?
b
Hverjar eru líkurnar á að nemendur þurfi að taka próf tvo daga í röð?
5.70
Ívar tippaði á 13 leiki í fótbolta.
Ef maður tippar annaðhvort 1 (heimasigur), x (jafntefli) eða 2 (útisigur)
í öllum leikjunum þrettán kallast það „að tippa röð“.
a
Hve margar mismunandi raðir
er hægt að tippa á leikina þrettán?
b
Hugsaðu þér að þú kaupir tíu raðir.
Hverjar eru líkurnar á að vinna ef
úrslit allra leikjanna
eru jafn líkleg?
5.71
Á lista yfir vinsæl lög eru þau skráð í mismunandi flokka. Þrettán lög eru
í flokknum popptónlist, 11 lög í flokknum sveitatónlist og 25 í flokknum
rokktónlist.
a
Hve margar mismunandi samsetningar er hægt að búa til með
þremur lögum ef eitt lag er úr hverjum flokki?
Alda velur af handahófi eitt lag úr hverjum flokki.
b
Hverjar eru líkurnar á að öll lögin þrjú sem hún valdi
séu stystu lögin í sínum flokki?
c
Hverjar eru líkurnar á að ekkert af lögunum sem hún valdi séu stystu
lögin í sínum flokki?
d
Hverjar eru líkurnar á að að minnsta kosti eitt af lögunum sem hún valdi
sé stysta lagið í sínum flokki?
5.72
Fimm nemendur sátu í nemendaráði skóla. Þeir ætluðu að skipta með
sér verkum sem formaður, varaformaður, ritari, gjaldkeri og stjórnarmaður.
Á hve marga mismunandi vegu gátu nemendurnir fimm skipt með sér
þessum hlutverkum?
5.73
Í hópi nokkrum eru fimm menn. Velja á af handahófi þrjá úr hópnum.
Hve margar mismunandi niðurstöður eru mögulegar?
5.74
Róbert hannar lógó fyrir félag nokkurt. Í lógóinu
eru fjögur svæði. Hvert svæði á að hafa sinn
sérstaka lit. Róbert getur valið um átta liti.
Hve margar mismunandi litasamsetningar eru mögulegar?