50 / 76
Skali 2B
48
5.46
Hjólreiðamenn geta notað ýmiss konar hjól og búnað. Nota þeir götuhjól
eða fjallahjól? Ætla þeir að vera í venjulegum íþróttabuxum eða sérstökum
hjólabuxum? Nota þeir hefðbundinn hjálm eða kúluhjálm?
Hve margar mismunandi samsetningar hjóls, buxna eða hjálms
eru mögulegar?
5.47
Hve margir mismunandi möguleikar eru á að fá fjóra tölustafi
þegar maður kastar venjulegum teningi fjórum sinnum í röð?
5.48
Sirrý ætlar að pakka inn gjöf. Hún getur valið um fjólubláan, gulllitaðan
eða blómaskreyttan gjafapappír, silfurlitað eða hvítt gjafaband og
þrenns konar gjafakort.
a
Hve margar mismunandi samsetningar af pappír, böndum
og kortum getur Sirrý valið?
b
Hverjar eru líkurnar á að Sirrý velji blómaskreytta pappírinn með
hvítu bandi og gjafakortið sem er efst í bunkanum?
5.49
Lóa ætlar að mála sig. Hún er með svartan og brúnan maskara, bleikan og
rauðan varalit og augnskuggabox með átta mismunandi litum.
Hverjar eru líkurnar á að hún velji svartan maskara, rauðan varalit og
silfurlitaðan augnskugga?
5.50
Hinrik er að búa sig undir veislu. Hann þarf að velja belti, skó, bindi og
skyrtu. Hann á þrjú belti, tvö skópör, fjögur bindi og þrjár skyrtur.
a
Hverjar eru líkurnar á að hann velji brúnu skóna og brúna beltið?
b
Hverjar eru líkurnar á að hann velji að lokum brúnu skóna, brúnt belti,
hvíta skyrtu og grátt bindi?
5.51
Á hve marga mismunandi vegu geta fimm unglingar raðað sér í sófa?