52 / 132
ORÐSPOR
2
50
Þeir fóru á tunglið … eða hvað?
Margar milljónir manna, út um allan heim, sátu límdir
við sjónvarpsskjái sína þann 20. júlí 1969.
Nei, það var ekki Söngvakeppni evrópskra
sjónvarpsstöðva eða heimsmeistaramótið
í knattspyrnu sem dró fólkið að sínum
svarthvítu skjáum. Heldur var tunglferjan
Örninn, sem var hluti af geimskipinu
Apollo 11, að lenda á tunglinu. Í fyrsta
sinn í mannkynssögunni myndu menn
stíga á yfirborð tunglsins. Snerta það.
Gífurleg stemming var á heimilum fólks
þegar það japlaði á poppkorni og horfði á
geimfarana Neil Armstrong og Buzz Aldrin
príla
í rólegheitunum niður stiga frá tungl-
ferjunni og stíga varlega niður til jarðar …
nei tunglsins. Neil fór á undan út og þegar
hann steig niður á fast land sagði hann hin
fleygu orð:
„Þetta er eitt lítið
skref fyrir manneskju –
en risastökk fyrir
mannkynið.“
Á meðan hann tók fyrstu skrefin og lýsti
því sem fyrir augu bar
klöngraðist
Buzz
niður stigann. Í beinni útsendingu fylgdust
Jarðarbúar með þeim félögum safna
mána-
sandi
, geimryki, steinum og öðru sem þeir
fundu á yfirborði tunglsins. Þeir skildu
eftir sig tæki sem áttu að halda áfram að
safna upplýsingum og senda til Jarðar. Þeir
stungu líka niður stöng með bandaríska
fánanum á og skildu eftir skilti sem
greypt
var í „Hér stigu menn frá reikistjörnunni
Jörðinni fyrsta sinn fæti sínum á tunglið
árið 1969. Við komum í friði fyrir hönd
alls mannkyns.“ Eftir rúmar tvær klukku-
stundir fóru þeir félagar aftur upp í tungl-
ferjuna og yfirgáfu tunglið.
Þið getið rétt ímyndað ykkur hversu
spennandi sjónvarpsefni þetta var. Fólk
grét af stolti yfir yfirburðum mannsins að
geta kannað jafn spennandi og framandi
hluti eins og sjálft tunglið. Já, allir voru
stoltir. Eða flestir. Allavega margir. Ekki
allir.
Því það er til hópur fólks sem trúir því ekki
að Bandaríkjamenn hafi í raun sent menn
til tunglsins. Sá hópur segir að Bandaríkin
hafi blekkt heiminn.
Sums staðar,
eins og á
Íslandi, var
kominn 21. júlí.
Vissuð þið að geimfarar
komu til Íslands á vegum
NASA til að æfa sig fyrir
tunglferðir? Ástæðan? Jú,
landslag á Íslandi er víða
svipað og á tunglinu!