49 / 132
3. KAFLI
47
Nú eruð þið komin aðeins á veg með að draga ályktanir. Finnið ykkur einn
námsfélaga og lesið aftur saman textann Leynimakk.
• Hvers vegna litu Bandaríkjamenn á það sem slæmar fréttir að Júrí Gagarín
væri fyrsti maður til að fara út í geiminn? Dragið ályktun út frá því sem þið
þegar vitið.
• Hvernig haldið þið að Gagarín hafi liðið þegar komið var að
heimkomunni? Nýtið upplýsingar í textanum til að draga ályktun.
Lesið einnig textann Pissublautur geimfari.
• Hvaða ályktun getið þið dregið um það svar sem Alan fékk um að mega
ekki fara á klósettið?
• Hvers vegna sat Alan ekki í pissublautum ullarnærfötum alla geimferðina?
• Hjálpist að við að skrifa dagbókarfærslu sem Alan Shepard gæti hafa
skrifað daginn eftir geimskotið.
Leynimakk
Þann 12. apríl 1961 bárust Bandaríkja-
mönnum slæmar fréttir. Fyrsti maðurinn
sem fór út í geiminn hét ekki Alan Shepard
heldur Júrí Gagarín. Þegar Gagarín frétti
að hann yrði fyrsti geimfarinn var honum
skipað að halda því leyndu. Fjölskylda hans
vissi ekki einu sinni af því.
Gagarín fór einn hring um Jörðina.
Eftir rúmlega 90 mínútur var komið að
heimkomunni sem var hættulegasti hluti
geimferðarinnar. Þá féll geimfarið eins og
glóandi loftsteinn til Jarðar. Í 7 km hæð
skaust lúgan af geimfarinu og Gagarín
stökk út. Fallhlíf hans opnaðist og í henni
sveif Gagarín hægt og rólega til Jarðar.
Pissublautur geimfari
Þremur vikum síðar fór Alan Shepard í
sína geimferð. Eftir að hafa setið í nokkra
klukkutíma í geimfarinu var Shepard alveg
að pissa á sig. Hann var ekki með neina
bleyju á sér og það var heldur ekkert kló-
sett í geimfarinu en hann óskaði eftir því
að fara út til að pissa.
En nei nei, Shepard var skipað að halda
í sér. En hann gat ekki meira og pissaði á
sig og rennbleytti ullarnærfötin sín. Loft
streymdi hins vegar um búninginn svo
hann þornaði fljótt. Skömmu síðar var
eldflauginni skotið á loft. Geimferð
Shepards var miklu styttri en Gagaríns
eða fimmtán mínútur – bara upp og niður.