33 / 132
31
Sandra notar mikið af
tilfinningatáknum í
textanum sínum. Hvað
finnst þér um það?
Hefði textinn breyst ef
táknunum væri sleppt?
Aðrir dagar eru svipaðir en þá er ég kannski í öðrum fögum eins og íþróttum, tónmennt
eða raungreinum. En uppáhaldsfögin mín eru enska og þýska.
Enska er skemmtilegt tungumál og mér gengur vel að læra það. Við lesum mikið af enskum
bókum og skrifum svo um þær.
Þýska er erfiðari en mér finnst samt mjög gaman í tímum. Mamma segir að ég eigi auðvelt
með að læra tungumál og ég held nú alveg að það sé rétt hjá henni. Einhvern daginn læri ég
kannski spænsku eða frönsku. Það eru flott tungumál. Já eða kannski íslensku!
Humm, þegar ég les það sem ég er búin að skrifa þá er eins og ég geri ekkert annað en að
vera í skólanum. Ég geri nú samt alveg ýmislegt annað.
Aðaláhugamál mín eru að vera á hjólabretti og spila tölvuleiki með Hannesi. Þá hittum við
einnig aðra félaga bæði úr skólanum og frá öðrum löndum. Hittum
þá á netinu sko.
Þetta eru krakkar sem hafa áhuga á sömu tölvu-
leikjum og við.
Við lönum stundum líka heima hjá hvert öðru. Þá mætum við með
tölvurnar okkar á einn stað og tengjum þær saman.
Ókei, þá held ég að ég sé búin að segja allt um mig … eða … nei, jú
ég er búin.
Ha det bra
kram Sandra
Segðu frá dæmigerðum degi í skólanum þínum, líkt
og Sandra gerir hér á undan.
• Hvenær hefst skólinn á morgnana?
• Hvernig er náminu háttað?
• Hvaða tímar eru áhugaverðastir að þínu mati?
Af hverju?
• Hvernig er aðstaðan í skólanum?
• Nefndu helstu námsfög og stiklaðu á stóru um
hvað þú ert að læra.
• Hvað gerirðu eftir skóla? Heimanám, tómstundir,
afslöppun og/eða æfingar?
Hvað er að lana?
Dettur ykkur í hug
gott íslenskt orð í
staðinn?