116 / 132
ORÐSPOR
2
114
Ævintýraleg hlutverkaspil og brjáluð borðspil
Hlutverkaspil
eiga rætur að rekja til ársins 1974 þegar fyrsta
spilið af þeirri tegund, Drekar og
dýflissur
, kom á markað.
Hlutverkaspil eru einnig stundum kölluð spunaspil.
Slík spil gera spilara kleift að lifa sig inn í ævintýri líkt
og um raunverulega atburði sé að ræða. Til að spila þannig
spil þarf a.m.k. tvo spilara auk stjórnanda. Stjórnandi spilar
stórt hlutverk í spilinu. Hann er sögumaður, stýrir sögu-
þræðinum og ákveður hvaða
afleiðingar
hljótast af
gjörðum
spilara. Einnig sér hann um að allir spilarar
fari eftir reglum leiksins. Spilararnir nýta sína eigin
söguhetju í spilinu. Oft og tíðum er sú söguhetja mótuð af
spilurunum sjálfum. Hetjurnar berjast, leysa þrautir, öðlast margs
konar reynslu, stig og hæfileika sem hjálpa þeim að lifa spilið af.
Borðspil
er heiti yfir leiki þar sem notast er við sérstakt spilaborð og ýmsa
smáhluti eins og peð, spjöld og teninga. Borðspil byggja ýmist á
slembni
,
kænsku
,
visku
, samvinnu eða blöndu af þessum þáttum. Spilarar vinna að
því að sigra aðra spilara með því að safna stigum, ná ákveðnum stað á spila-
borðinu eða
sanka að sér
ákveðnum fjölda af smáhlutum. Borðspilum fylgja
nákvæmar leikreglur sem spilarar eiga að fylgja. Elstu borðspilin sem vitað
er um eru frá því um 3000 fyrir Krist.
Dæmi um borðspil eru skák, mylla, Lúdó, Sequense, Monopoly og Catan.
Hvaða borðspil þekkir þú?
Hvert er þitt uppáhalds
borðspil? Af hverju?
Hvaða borðspil þykir þér
leiðinlegast að spila?
Af hverju?