111 / 132
7. KAFLI
109
Þú ert ‘ann!
Það er fátt skemmtilegra en að taka þátt í líflegum leik eða spila
fjörugt spil með fjölskyldunni og góðum félögum. Frá örófi alda hafa
menn búið til leiki eða spil til að
stytta sér stundir
. Sumir leikir ná
slíkum vinsældum að þeir eru spilaðir
kynslóð fram af kynslóð
.
Gott dæmi um slíkan leik er fótbolti. Uppruna fótboltaleiksins má
rekja um 2500 ár aftur í tímann, til Forn-Grikkja. Leikurinn hefur
haldið vinsældum sínum og þróast fram á okkar daga. Nú er hann
spilaður um allan heim af fólki á öllum aldri. Vinsældir hans eru
slíkar að hann er orðinn að íþróttagrein þar sem bestu spilarar
heims í karla- og kvennaflokkum keppa sín á milli.
Hvað merkir að
stytta sér stundir
?
Hvað er átt við
með
kynslóð fram
af kynslóð
?
Fyrstu heimildir um leikinn fótbolta er
líklega hægt að rekja til grískrar afþrey-
ingar er kallaðist Harpaston. Leikurinn
var sambland af fótbolta og ruðningi.
Elstu vísun í fótbolta eins og við þekkj-
um hann er að finna í enskum heimild-
um frá 13. öld. Leikurinn var þá nokkuð
frábrugðinn því sem þekkist í dag. Tekist
var harkalega á um boltann og reglur
ekki eins skýrar og í fótbolta nútímans.
Leikurinn varð því oft blóðugur og end-
aði jafnvel með dauða leikmanna.
Leikreglur voru líklega ekki settar fyrr
en um 1800 þegar leikurinn varð að vin-
sælli íþróttagrein í skólum á Englandi.
Látið hugann reika og skráið niður alla leiki eða spil sem ykkur detta í hug.
Raðið öllum hugmyndum í flokka. T.d. hópleikir, hreyfileikir,
boltaleikir, útileikir, spurningaleikir, spil, þrautalausnir, borðspil.
Hengið leikjasafnið á áberandi stað í skólastofunni.