114 / 132
ORÐSPOR
2
112
Leikjasmiðir í fullu starfi
Það virðist ótrúlegt en fólk um allan heim hefur það að
atvinnu
að hanna,
semja og búa til leiki og spil. Sumir
sérhæfa
sig í að búa til borðspil.
Einhverjir einbeita sér að því að semja hlutverkaleiki eða tölvu-
leiki. Enn aðrir setja saman ratleiki eða ráðgátuleiki. Þetta fólk
býr til
afþreyingu
, skemmtun og leikreglur fyrir okkur hin.
Sem er aldeilis hreint frábært. En þar með er ekki sagt að þú
getir ekki búið til þinn eigin leik eða spil. Því veistu, það geta nefnilega
allir verið leikjasmiðir.
Til dæmis þú!
Lífshættulegir leikir
Allt sem þarf til að verða leikjasmiður er
slatti
af hugmyndaflugi og
skvetta
af
spilagleði. Þetta hafa skáldsagnahöfundar oft sannað með því að bæta inn í sögur
sínar æsispennandi viðureignum er tengjast spilamennsku eða leikjum. Oftast nær
er um að ræða baráttu upp á líf og dauða þar sem líf aðalpersóna
hanga á bláþræði
og atburðarásin fær lesandann til að naga neglur sínar og fletta blaðsíðum með
skjálfta í fingrum. Og þakka fyrir í huganum að mest spennandi leikur skólafélag-
anna sé Lögga og bófi. Já,
skáldin
eru oft fínustu leikjasmiðir. Skoðum dæmi.
Í fyrstu bókinni af þremur sem kenndar eru við Hungurleikana kynnumst við
unglingsstúlkunni Katniss. Hún býr í Tólfta umdæmi í ríkinu Panem. Á hverju
ári skipa yfirvöld í höfuðborginni Kapitól umdæmunum tólf að senda einn strák
og eina stelpu til að keppa á Hungurleikunum. Reglur leikanna eru einfaldar –
það er spilað upp á líf og dauða og sá sigrar sem heldur lífi.
Litla systir Katniss er valin til að keppa fyrir umdæmið. Katniss býðst til að taka
þátt í stað hennar. Hún er því send til höfuðborgarinnar ásamt bakarasyninum
Peta. Þar þurfa þau að berjast fyrir lífi sínu á leikvangi leikjasmiðanna í Kapitol.