Tabla
Tabla er mjög vinsælt ásláttarhljóðfæri á Indlandi. Hljóðfærið samanstendur af tveimur trommum sem heita tabla og dagga (bayan). Tromman, sem kallast tabla og gefur frá sér háa tóna, er yfirleitt gerð úr tré með strekktri skinnhúð að ofan.

Til að ná fram hinum sérstaka háa tabla-hljómi þarf hljóðfærasmiðurinn að eiga sérstaklega við skinnið í miðju tabla-trommunnar. Skinninu er vafið umhverfis tréramma með hjálp spotta úr leðri (wait) og röð af litlum trékubbum (gatta).

Tónar trommunnar eru stilltir með hamri sem er lauslega komið fyrir hjá gatta-trékubbunum til að strekkja eða slaka á skinninu. Dagga-tromman er yfirleitt gerð úr kopar eða eir og gefur frá sér djúpa tóna. Tabla-tromman er um 11 cm löng en dagga-tromman um 10 cm löng.