88 / 108
Skali 3B
86
6.84
Meðal nemendanna 18 eru tíu strákar og átta stelpur. Helmingur
nemendanna er í 9. bekk en hinn helmingurinn er í 10. bekk.
Það eru tvær stelpur úr 9. bekk í hópnum.
a
Raðaðu gögnunum í krosstöflu eða
Vennmynd.
b
Kennarinn velur af handahófi nemanda til
að slökkva bálið. Hve miklar líkur eru á að
það sé strákur í 10. bekk?
c
Tveir nemendur eru valdir af handahófi til að
skipuleggja göngustíg fyrir hina. Hve miklar
líkur eru á því að það verði strákur og stelpa?
d
Stelpurnar átta sitja í hálfhring í kringum
bálið. Á hve marga vegu geta stelpurnar
raðað sér?
6.85
Nokkrir nemendur ætla að gista í snjóhúsi. Þeir ætla að gera sér
hálfkúlulagað snjóhús með geisla 1,5 m. Kuldagryfjan er 0,5 m breið,
0,5 m djúp og 2 m löng. Göngin inn í snjóhúsið eru sívalningslaga með
geisla 40 cm og lengd 1,8 m.
Sýndu að þau þurfa að fjarlægja um það bil 8,4 m
3
af snjó ef þau ætla að
fylgja byggingaráætluninni.
6.86
Öllum nemendunum í tíunda bekk er boðið að taka þátt í snjóhúsaferðinni.
Til að komast upp í óbyggðir leigja þau fjallabíl fyrir 60 000 kr. Ef eitthvað
á að verða úr ferðinni verða a.m.k. tíu nemendur að vera með. Fjallabíllinn
tekur 50 manns.
a
Settu fram fall
V
sem sýnir samhengið milli verðs á mann og fjölda
nemenda sem taka þátt í ferðinni.
b
Notaðu rúmfræðiforrit og teiknaðu graf
V
í hnitakerfi.
c
Lestu af og merktu inn á grafið hvað það kostar ef 25, 35 eða
45 nemendur taka þátt í ferðinni.
Nemendurnir sem taka þátt fá tilboð um að vinna í mötuneytinu til að
safna peningum fyrir ferðina. Tímakaupið er 550 kr.
d
Hve margar klst. þurfa þau að vinna ef það verða 28 nemendur með
í ferðinni?