82 / 108
Skali 3B
80
6.66
Andrés pakkaði niður einum buxum og tveimur bolum. Hann ætlar
að versla í Barcelona.
Hve margar buxur og boli þarf hann að kaupa til að hafa 15 mismunandi
samsetningar af buxum og bolum með sér heim? Finndu tvo möguleika.
6.67
Andrés finnur föt á tilboði. Tilboðið hljóðar upp á að hann geti keypt þrjá
boli fyrir verð tveggja.
a
Hve mörg prósent fær hann í afslátt ef hann tekur þessu tilboði?
Andrés kaupir þess í stað peysu á 39 evrur. Hann veit að samskonar
peysa kostar 9700 kr. heima á Íslandi.
b
Hve mikið sparar hann á að kaupa peysuna í Barcelona þegar gengið
á evrunni er 120 kr.?
6.68
Fjölskyldan ætlar að leigja sér bíl í Barcelona og ber saman verðið hjá
tveimur mismunandi fyrirtækjum. Bílaleigan Auto býður verð sem er
48 € á sólarhring og frjálsan akstur. Bílaleigan Voiture býður 37 € á
sólarhring + 0,20 € á ekinn kílómetra.
a
Hve mikið kostar að leigja bíl í þrjá daga hjá þessum tveimur bílaleigum
ef fjölskyldan ekur 250 km?
b
Sýndu svarið í a sem graf í teikniforriti.
c
Þau leigja bíl í fjóra daga. Hve marga kílómetra þurfa þau að aka til þess
að það borgi sig að velja bílaleiguna Auto?
6.69
Emilía borgar dag nokkurn 10,90 € fyrir þrjár flöskur af gosi og tvær pylsur
í brauði. Tómas borgar 15,10 € fyrir fjórar flöskur af gosi og þrjár pylsur í
brauði.
Hve mikið kostar flaska af gosi og hve mikið kostar ein pylsa í brauði?
Evra
er gjaldmiðill í
mörgum aðildaríkjum
Evrópusambandsins.
Ein evra skiptist í
100 sent. € er tákn
fyrir evru.