49 / 108
Kafli 5 • Líkindareikningur
47
5.50
Í skóla nokkrum eru 320 nemendur. 102 nemendur æfa fótbolta,
35 nemendur hafa tekið þátt í skólamótum í fótbolta áður og 30
af þeim 35 æfa fótbolta.
Finndu líkurnar á að velja af handahófi nemanda sem hvorki æfir fótbolta
né hefur tekið þátt áður í skólamóti í fótbolta.
5.51
Í hverfi einu búa 20 unglingar. 12 þeirra ganga í hverfisskólann,
16 eru í íþróttafélagi hverfisins og 10 unglingar ganga bæði í
hverfisskólann og eru í íþróttafélaginu.
a
Setjið upplýsingarnar inn í Vennmynd.
b
Hve miklar líkur eru á að unglingur, valinn af handahófi,
gangi ekki í hverfisskólann en sé í íþróttafélaginu?
c
Þú hittir einhverja tvo unglinga úr hverfinu. Hve miklar
líkur eru á að báðir gangi í hverfisskólann og séu í
íþróttafélaginu?
5.52
Tveir nemendur vinna þetta verkefni saman. Hvor býr til sitt leikspjald fyrir
Fimm í röð
. Fylla á reitina 25 á leikspjaldinu með tölum sem þeir velja
sjálfir. Það má setja sömu töluna á fleiri en einn stað. Þeir varpa tveimur
teningum og bæði summu og margfeldi talnanna sem upp koma á að
„krossa út“ á leikspjaldinu. Hafi þeir skrifað sömu töluna á tvo eða fleiri
staði verða þeir að velja hvaða tölu á að „krossa út“. Keppt er um hvor
nemandi fær fyrst fimm í röð – annaðhvort lárétt, lóðrétt eða á ská.
a
Útbúið leikspjöld og spilið leikinn einu sinni.
b
Útbúið ný leikspjöld og spilið leikinn nokkrum sinnum. Gætið þess
þá að velja tölurnar af meiri yfirvegun en þið gerðuð ef til vill í fyrsta
skipti.
5.53
Farið yfir leikinn í verkefni 5.52.
a
Hvaða tölur reyndist ykkur gagnlegt að velja?
b
Hvaða tölu er líklegast að fá sem margfeldi af því sem kemur
upp á tveimur teningum?
c
Hvaða tölu er líklegast að fá sem margfeldi af því sem upp kemur á
tveimur tíu-verplum?
Notið tvo
tíu-verpla í staðinn
fyrir tvo sex hliða
teninga.