38 / 108
Skali 3B
36
5.8
Útbúið skotmark með því að teikna hring (1 m í þvermál) á gólfið á stað sem
er 3 m frá byrjunarlínu. Vinnið saman tvö og tvö. Þið þurfið tíu
gúmmíteygjur sem á að reyna að skjóta í hringinn.
a
Annað ykkar skýtur einni teygju í einu, alls tíu sinnum.
Hitt skráir hittnina.
b
Skjótið aftur tíu sinnum með teygju. Finnið líkur byggðar á tilrauninni
á að hitta í skotmarkið.
c
Skiptið um hlutverk og gerið tilraunina einu sinni enn.
d
Hvað haldið þið að verði um líkurnar á að hitta ef fjöldi tilrauna hefði
verið aukinn í 1000?
5.9
Hve miklar líkur eru á að þér takist að slá nagla niður í planka í einu höggi?
Raðið ykkur í þriggja manna hópa og veljið hver á að gera tilraunina.
Hinir telja og skrá.
a
Finnið nokkra litla nagla, planka og hamar. Gerið tíu tilraunir
og skráið hve mörg högg þarf til að slá nagla alveg niður.
b
Gerið tíu tilraunir í viðbót.
c
Finndu líkurnar á að þér takist að slá nagla niður í einu höggi,
tveimur höggum, þremur höggum o.s.frv.
d
Hve miklar líkur eru á því að ráða við þetta verkefni í öllum bekknum?
5.10
Þið þurfið sex eða tíu pappabolla og nokkrar þykkar gúmmíteygjur.
Hvolfið pappabollunum og byggið píramída úr þeim með einn bolla efst.
Setjið píramídann á borð og stillið ykkur upp um það bil 3 m frá
píramídanum. Vinnið saman tvö og tvö.
a
Skjótið þykkum gúmmíteygjum tíu sinnum að píramídanum.
Skráið hve oft þið hittið þannig að einhver pappabolli detti niður.
b
Finnið líkur, byggðar á tilrauninni, á að hitta píramídann í tíu skotum.
c
Skjótið teygjum tíu sinnum í viðbót. Finnið líkur byggðar á tilraununum
á að hitta píramídann í tuttugu skotum.
d
Hve miklar líkur eru á að næsta skot hjá þér hitti píramídann?
e
Skiptið um hlutverk og endurtakið tilraunina einu sinni enn.