68 / 161
Markmið
Skali 3A
66
Kort og mælikvarði
HÉR ÁTTU AÐ LÆRA AÐ
• finna mælikvarða sem hlutfall milli eftirmyndar og frummyndar
• nota mælikvarða til að reikna fjarlægðir á korti
• gera vinnuteikningar og nota þær
Bæði börn og fullorðnir geta hlegið að Línu langsokk sem áttar sig ekki á að hún
þarf að minnka hestinn þegar hún á að teikna hann á pappír.
Við getum hugsað okkur að hestur Línu sé 175 cm á hæð og 180 cm á lengd.
Til að teikningin verði raunveruleg og komist fyrir á blaðinu verður að minnka
hæð og lengd í sömu hlutföllum.
2.34
Stærð A4-blaðs er um það bil 21 cm · 29 cm.
Gerðu tillögu um hæð og lengd á teikningu Línu af hestinum
þannig að hann komist fyrir á einu A4-blaði.
Lína þagnaði til að ná andanum og kennslukonan sem nú var
farið að finnast að Lína væri bæði óþægur og erfiður krakki
stakk upp á því að bekkurinn teiknaði heldur dálitla stund.
Hún taldi víst að Lína sæti stillt og prúð á meðan hún væri
að teikna. Og hún tíndi fram blöð og blýanta og skipti milli
barnanna.
„Þið megið teikna hvað sem þið viljið,“ sagði hún og settist
síðan sjálf við kennarapúltið og fór að leiðrétta stíla.
Eftir dálitla stund leit hún upp til að gá hvernig þeim gengi
að teikna. Þá sátu allir krakkarnir og horfðu
á Línu sem lá á gólfinu og teiknaði af hjartans lyst.
„Já, en Lína,“ sagði kennslukonan höst, „hvers vegna
teiknarðu ekki á blaðið?“
„Það er allt orðið útteiknað fyrir löngu, en hesturinn minn
kemst ekki allur fyrir á þessu litla blaðsnifsi,“ sagði Lína.
„Núna er ég að teikna framfæturna en þegar ég kem að rassinum
er ég hrædd um að ég verði að færa mig fram á gang.“
Astrid Lindgren
Hlutföll
Í einslaga
þríhyrningum
eru sömu hlutföll
milli samsvarandi
hliða.