49 / 161
Kafli 1 • Persónuleg fjármál
47
Þjálfaðu hugann
1.104
Í apríl fyrir nokkrum árum hækkaði íþróttaverslun verð á hjóli um 10%.
Í september sama ár lækkaði verslunin verðið á sama hjóli um 10%.
a
Hvert var verðið í september? Er verðið það sama í september
og það var í apríl?
b
Hvað hefði hjólið kostað ef verðið í apríl hefði fyrst verið lækkað
um 10% og því næst hækkað í september um 10%?
1.105
Lárus fór einu sinni sem oftar í verslunarferð. Í einni versluninni stóð
á veggspjaldi: „Helmingsafsláttur af útsöluverði á öllum peysum!“
Hann fann peysu með 25% afslætti.
Hve mörg prósent afslátt samtals fékk Lárus af verði peysunnar?
1.106
Bátasali seldi tvo báta, báða fyrir 450 000 kr. Annan bátinn seldi
hann með 25% tapi en hann græddi 25% á sölu hins bátsins.
a
Hvert var upphaflegt verð bátanna?
b
Hvert var tapið eða gróðinn í peningum?
1.107
Matvöruverslun auglýsti að matvöruverðið hefði verið lækkað um
upphæð sem nam virðisaukaskattinum. Vitað var að matvöruverslunin
þurfti að greiða vsk. til skattayfirvalda. Berðu saman eldra verðið og
nýja verðið án vsk.
Um hve mörg prósent var varan lækkuð?
1.108
Fataverslun seldi buxur á 6000 kr. Næsta dag lækkaði verslunin verðið á
buxunum um 10%. Daginn eftir hækkaði verslunin verðið aftur um 10%.
Þannig var verðið ýmist hækkað eða lækkað um 10% á hverjum degi í
alls tuttugu daga.
Hvert var verðið á buxunum eftir þetta?
1.109
Haraldur átti 47 000 kr. í banka á tveimur mismunandi reikningum. Hluti
peninganna var á reikningi með 2% ársvöxtum. Afgangurinn af peningunum
var á öðrum reikningi sem gaf 1,5% ársvexti. Eitt árið fékk Haraldur samtals
840 kr. í vexti.
Hve há fjárhæð var á hvorum reikningi fyrir sig?