98 / 132
ORÐSPOR
2
96
Nú, þú yrðir líklega beðin(n) um að svara spurningum frá forvitnum krökkum og
ættir að segja frá lífinu á Íslandi á 21. öldinni. Allir munu skoða fötin þín og finnast
þau gamaldags og að öllum líkindum verða öll börnin í bekknum aðeins hærri en þú
í loftinu. Og svo er eitt sem þú þarft að hafa í huga. Nokkuð sem sennilega hafði ekki
hvarflað að þér að gera ráð fyrir.
Það getur nefnilega verið að börnin í skólastofunni eigi erfitt með að skilja þig. Ekki bara
að eitt og eitt orð hafi breyst eða
úrelst
eins og væri nú eðlilegt á hundrað árum. Nei, það
kann að vera að nemendurnir skilji ekki orð af því sem þú segir á íslensku.
Nei, ekki séns
, hugsar þú líklega þegar þú lest þetta. Enda er harla skrítið til þess að hugsa
að tungumál sem hefur verið til í a.m.k. 1000 ár hætti bara allt í einu að vera til. En það
er nú reyndar tilfellið. Á hverju ári hverfa nokkur tungumál af
sjónarsviðinu
. Ástæður
geta verið ýmsar en sú sem við þurfum að hafa í huga er að annað tungumál taki yfir
og
verði ríkjandi
.
Hvaða ástæður geta
hugsanlega legið að baki
því að tungumál hverfi
af sjónarsviðinu?
Þú ert stödd / staddur í kennslurými á 22. öldinni. Þú ert á tímaflakki á
vegum Menntamálaráðuneytisins og átt að kanna framtíð menntamála
á Íslandi. Þú ert með þráðlausan hljóðnema á eyranu og átt að lýsa því
sem fyrir augu ber. Hvað sérðu?
Hafðu eftirfarandi punkta í huga:
• Er kennslurýmið ólíkt því sem við þekkjum í dag? Hvernig?
• Hefur námið / námsgögn / kennslan breyst?
• Eru kennarar öðruvísi?
• Eru sömu skólareglur?
• Hvernig koma nemendur þér fyrir sjónir?
Skrifaðu stutta
skýrslu
fyrir ráðuneytið. Finndu þér námsfélaga
og lestu skýrsluna fyrir hann.
Hvernig lítur
tímavél út?
Hannaðu þína
eigin vél.
Þetta verkefni gæti
verið skemmtilegt að
vinna með öðrum!