103 / 132
101
Leyndarmál Lindu, sögur af ekki svo æðislegu lífi
2014
Dagbókin
Leyndarmál Lindu
er sett upp líkt og hand-
skrifuð dagbók með teikningum inn á milli. Þar lýsir
sögupersónan Linda Magg sínu hversdagslega lífi á
fjörugan hátt.
Höfundur bókarinnar er bandaríski lögfræðingurinn
Rachel Renée Russell. Hún kýs að skrifa unglinga-
bækur um hina kátu Lindu frekar en að vera í réttar-
sal. Ástæðan er tvíþætt: Henni finnst skemmtilegri
vinna að skrifa bækur og náttföt og inniskór eru ekki
ásættanlegur klæðnaður í vinnunni sem lögfræðingur.
Laugardagur, 7. september
Pabbi og mamma eru að gera mig
BRJÁLAÐA! Síðustu 3 sólarhringa hafa
þau hengt upp og límt 139 regnbogalitaða
límmiða með jákvæðum orðum sem þýða
ekki neitt:
Vertu þinn eiginn besti vinur.
Bjóddu sjálfri þér heim til þín!
Hvernig á að skilja þetta? Verst að
mér tókst ekki að lesa allt sem stóð á
miðanum sem þau tróðu á ristavélina,
en hann brann óvart til kaldra kola.
Ég neyddist til að hella ávaxtasafanum
til að slökkva eldinn.
Svo byrjaði ristavélin að bráðna og skaut
útfjólubláum neistum í allar áttir og var með
leiðindahljóð eins og
GRRRRRRRRAAAAAAAGGGGGG!!
Ég held að við verðum að kaupa nýja.
En það sem ég var hræddust við var að húsið
okkar myndi brenna til ösku. Bara vegna
þess að foreldrar mínir settu límmiða á rista-
vélina.
Ég þekki pabba og mömmu ósköp vel
og veit að þau meina líka vel, en stundum,
já ég segi það bara hreint út hér og nú,
stundum geta þau orðið manni til
MIKILLAR SKAMMAR!!!