91 / 132
89
Katrín Lilja hefur verið með áhugaverðar efnafræðitilraunir í þáttunum
Ævar vísinda-
maður
. Hún sagði í viðtali í Vísindavarpinu að hún hefði verið mjög forvitið barn.
Hún vildi alltaf vita hvað var inni í hlutum og bak við þá. Sem dæmi opnaði hún
dúkkurnar sínar til að athuga hvað væri inni í þeim! Hún vill meina að til þess að
verða góður vísindamaður þurfi forvitni að vera til staðar, sér í lagi forvitni um það
sem ekki sést. Þá skipti líka máli dugnaður í námi og að hafa áhuga á stærðfræði og
lestri um alls konar fróðleik.
Katrín Lilja ákvað snemma að verða raungreinamanneskja. Hún fór á náttúrufræði-
braut í framhaldsskóla og byrjaði háskólanámið í stærðfræði. Fljótlega sá hún að
stærðfræðin var ekki rétt fag og prófaði þá að fara í líffræði en skipti svo aftur um fag
og fann sig í efnafræðinni. Það má nefnilega skipta um skoðun ef maður sér að eitt-
hvað hentar manni ekki.
Vegna kunnáttu hennar í efnafræði hefur hún fylgt íslenskum framhaldsskólanemum
á Ólympíuleika í efnafræði.
Óhætt er að segja að Sprengju-Kata og Sprengjugengið hafa opnað dyr almennings að
undraheimi efnafræðinnar og skyldum raungreinum.
Rafmögnuð reglustika
Það sem þú þarft að hafa við höndina:
• reglustika úr plasti
• blað
• lopasokkur
• pipar
Það fyrsta sem þú gerir er að hella smá pipar á blaðið.
Síðan nuddar þú reglustikuna með lopasokknum, hratt og örugglega í
ca. 30 sekúndur. Við núninginn hleður þú reglustikuna. Sem útskýrir hvað
gerist í næsta skrefi. Þú færir reglustikuna að blaðinu með piparnum.
Haltu reglustikunni fyrir ofan kornin (ca. 3–5 sentimetrum fyrir ofan) og
sjáðu hvað gerist!