60 / 132
ORÐSPOR
2
58
Tvö eða þrjú hundruð manns voru nú við gíginn og fylgdust með. Fremsti hlutinn
skrúfaðist út úr hylkinu uns hann féll til jarðar með háu glamri.
Ég tók eftir hreyfingu í skugganum innan við opið. Það grillti í gráleita arma og tvö
glóandi augu. Þetta var líkast gráum snáki að hringa sig upp og svo fylgdi annar á
eftir. Mér rann kalt vatn milli skinns og hörunds. Kona öskraði hástöfum fyrir aftan
mig. Á meðan ég ruddi mér leið frá gígbrúninni sá ég undrunina á andlitum fólksins
í kringum mig breytast í skelfingu.
Þykkur og grár búkur mjakaði sér út um opið á hylkinu. Þegar birtan féll á húðina
glansaði hún eins og blautt leður. Tvö stór og myrk augu horfðu rannsakandi á
mannfjöldann umhverfis. Kvikindið var með hnattlaga höfuð og varalausan v-laga
munn sem iðaði og másaði og slefaði. Þeir sem hafa aldrei augum litið lifandi
Marsbúa geta ekki ímyndað sér hryllinginn sem fylgdi þessari sýn. Brúnleit og
slepjuleg húðin glansaði eins og skinn á blautum sveppi, klunnaleg skepnan virtist
vera illskan sjálf, holdi klædd.
I
llar geimverur
1898 Innrásin frá Mars
Hér er á ferðinni ein af fyrstu vísindaskáldsögunum. Sagan er
sögð í fyrstu persónu af miðaldra Breta er verður vitni að innrás
Marsbúa. Geimverurnar koma alls ekki í friðsamlegum tilgangi
og beita hitageislum og eiturgasi með það að markmiði að
útrýma mannkyninu og yfirtaka Jörðina.
Höfundurinn H.G. Wells var langt á undan sínum samtíma-
mönnum með hugmyndir sínar um líf á öðrum hnöttum.
Hann kynnti sér nýjustu vísindarannsóknir um plánetuna Mars
og nýtti þær til grundvallar í skrifum sínum um útlit Marsbúanna
og aðstæður á plánetunni.
Bókahillan