106 / 132
ORÐSPOR
2
104
Íslenski fáninn er tákn fyrir landið okkar, rétt eins og skjaldarmerkið.
Áður fyrr gátu sjómenn t.d. séð frá hvaða landi skip kom eftir því
hvaða fáni blakti á skipinu.
Fáninn hefur ekki alltaf verið eins og hann er í dag.
Talið er að fyrsti íslenski þjóðfáninn hafi orðið til í kringum árið 1809.
Sá fáni var blár og með mynd af þremur þorskum uppi í vinstra horni.
Þessi fáni var nú ekki mikið notaður og árið 1873 var kominn nýr
þjóðfáni. Hann var blár með mynd af hvítum fálka. Í lok 19. aldar
komu upp hugmyndir um að íslenski fáninn ætti að vera í samræmi
við fána annarra kristinna þjóða, þ.e. hafa kross. Þá var hannaður fáni
sem var blár grunnur með hvítum krossi.
Árið 1915 var ákveðið að íslenski þjóðfáninn ætti að vera heiðblár
með mjallhvítum krossi og eldrauðum krossi innan í hvíta krossinum.
Sá fáni er þjóðfáni okkar enn í dag.
Hvaða land á fána sem
er hvítur grunnur og blár
kross í miðjunni – öfugt við
gamla íslenska fánann?
Finnið á netinu eða í bók
mynd af gömlu fánunum
sem voru með þorskum
og fálka.
Skoðaðu þjóðfána annarra landa á netinu eða í bók.
Hvað eiga margir fánar sameiginlegt? Hvaða fánar finnst þér flottir og af hverju?
Ef þú værir þjóðhöfðingi í ímynduðu ríki, hvernig væri þjóðfáni þíns ríkis?
Ísland, gamla Ísland
Ísland, gamla Ísland
fjallabláminn
jöklar
eldurinn í
iðrum landsins