7
Við mælum með að kennarinn prenti þessar
spurningar á lítinn miða og hafi þær hand-
hægar í öllum kennslustundum. Tilgangur
þeirra er að drífa gagnrýna samræðu nem-
enda áfram án þess að kennarinn smiti hana
um of með sínum eigin skoðunum. Það má
líka hengja spurningarnar upp svo að nemend-
ur sjái þær og smám saman gera kröfu um
að þeir noti lykilspurningarnar í samræðum
sínum. En við mælum ekki með að þeim sé
öllum dembt á hópinn í fyrstu kennslustund.
Unglingum finnst gaman að tala saman og
pæla í hlutum. Leyfið þeim að byrja á því,
þótt það verði óreiðukennt.
•
Heyrðir þú hvað hann/hún sagði? (Kallað eftir hlustun.)
•
Getur þú sett fram spurningu um efnið?
•
Ertu sammála eða ósammála …? (Kallað eftir hlustun og tengingum
milli þess sem nemendur segja.)
•
Um hvað erum við að tala? (Kallað eftir skýrleika.)
•
Getur þú útskýrt aðeins betur…? (Kallað eftir nákvæmni.)
•
Af hverju segir þú að ...? (Kallað eftir rökum.)
•
Ertu að segja það sama og … eða ertu að segja eitthvað annað?
(Kallað eftir samhengi í framvindu samræðunnar.)
•
Getur þú nefnt mér dæmi um …? (Kallað eftir dæmum sem setja kjöt
á beinin og jarðtengja umræðuna.)
•
Hvernig veistu að … sé satt? (Kallað eftir að nemandinn tengi skoðun/hugmynd
sína við það hvernig hann fékk þessa skoðun/hugmynd.)
•
Gæti einhver verið ósammála þessu? Hvernig? (Kallað eftir víðsýni,
fleiri sjónarhornum.)
•
Hvaða afleiðingar getur það haft …? (Kallað eftir að nemandinn skoði
afleiðingar skoðana sinna og áhrif í víðara samhengi.)
•
Getum við dregið saman hvað við erum búin að segja um …?
(Kallað eftir fókus og/eða niðurstöðu.)
•
Hefur skoðun þín breyst? Hvernig? Af hverju?
