• Er eðlilegt að unglingar aðgreini sig frá umhverfinu á einhvern hátt? Af hverju? Hvernig geta þeir aðgreint sig?
• Hvaða einkenni hefur þú valið sjálf(ur)og hvaða einkennum hefur verið þvingað upp á þig?

Hvað hefur þú lært nýtt frá því þú fórst á fætur í morgun?

3.

Þú hittir bekkjafélaga þína aftur eftir tuttugu ára aðskilnað. Þið talið um gömlu dagana og deilið sameiginlegri reynslu um hvernig það var að vera unglingur um árþúsundaskiptin. Hvaða upplifanir og reynslu höfðuð þið sameiginlega þá sem unglingar nú á dögum (þegar þú ert 35 ára) myndu ekki skilja?

Hvaða eiginleika þarf að hafa til að standa sig svo frábærlega eins og Vala Flosadóttir gerði á Ólympíuleikunum í Sidney árið 2000? Ræður gott líkamlegt ástand, þrotlaus þjálfun og tækni árangri hennar eða annarra sem taka þátt í erfiðri keppni? Hversu miklu máli skiptir andlegt ástand og hvaða persónueiginleikar gera gæfumuninn til að ná því besta út úr sjálfum sér?

Fjallaðu um samspil erfða og umhverfis. Hvor þátturinn er sterkari við mótun einstaklinga?

6.

Hvað tengist erfðum og hvað umhverfi í greininni Að ná því besta út úr sjálfum sér?

7.

Af hverju er nauðsynlegt fyrir okkur að eiga samskipti við annað fólk? Hvaða afleiðingar getur það haft ef börn eru alin upp í einangrun?

Hvernig myndir þú lýsa þér sem persónu? Þegar þú hefur lýst sjálfum þér, lýstu þá persónuleika eins bekkjarfélaga þíns.

Allir hafa væntingar til annarra. Lýstu í stuttu máli hvaða væntingar eru gerðar til þín af:
a) skólanum
b) félögunum/vinunum
c) fjölskyldunni
d) vinnumarkaðinum
e) jafnaldra af gagnstæðu kyni
Berðu svörin saman við svör annarra í bekknum. Er mikill munur á væntingum milli hópa? En kyni?

10.

Hvaða hlutverkaspenna er til staðar í eftirfarandi dæmum og hvernig myndir þú leysa hana?

• Þú ert í göngutúr með foreldrum þínum á laugardagskvöldi og mætir bekkjarfélögum þínum sem eru á leiðinni í partý.
• Pabbi þinn eða mamma eru kennarar og þau kenna eitt af þeim fögum sem bekkurinn er í.
• Þú tilheyrir mjög sterkri klíku. Þú ert nýkominn með kærasta eða kærustu og tekur viðkomandi með þér til klíkunnar.
• Foreldrar þínir eru að fara út úr bænum um helgi og þú ert ein/einn heima. Þau hafa bannað þér að halda partý - en félagar þínir leggja hart að þér að halda partý.
• Þú átt engin almennileg föt og félagar þínir eru farnir að gera grín að þér. Þú biður um pening heima fyrir nýjum gallabuxum en færð neitun.
• Þú ert búin(n) að lofa að heimsækja ömmu þína og hjálpa henni að þrífa íbúðina. Rétt áður en þú ferð af stað kemur vinur/vinkona þín í heimsókn og biður þig um að hjálpa sér við heimanámið því það sé próf á morgun.

11.

Taktu viðtal við föður þinn, móður eða einhvern annan fullorðinn einstakling og spurðu hvernig unglingahlutverkið hafi verið þegar hann/hún voru ung.

12.

Hvaða skilning leggur þú í hugtakið vinátta? Hvaða eiginleika finnst þér mikilvægast að vinur þinn eða vinkona hafi?

• Hversu vel eru kennsluaðferðirnar sniðnar að báðum kynjum? Hvernig finnst þér að þær ættu að vera?
• Skoðaðu 2-3 námsbækur. Hversu margar myndir eru af konum og hve margar af körlum? Hvort er fjallað meira um karla eða konur í námsbókunum?
• Eiga stelpur jafn auðvelt og strákar að tjá skoðanir sínar í bekknum ykkar?

Reiknaðu út kynjahlutfallið meðal kennaranna í skólanum þínum. Reyndu að komast að því hvernig kynjahlutfallið er í einhverjum skóla sem liggur í nágrenni þínu.

• Konur eru í meirihluta kennara á öllum skólastigum.
• Hlutfall kvenkyns kennara hækkar með hækkandi skólastigi.
• Karlar eru í meirihluta skólastjórnenda.

Ræðið í bekknum eftirfarandi fullyrðingar:

• Strákar ættu að mennta sig meira en stelpur
• Karlar og konur ættu að deila barnauppeldi jafnt á milli sín
• Konur ættu ekki að vinna á næturvöktum
• Eiginmenn ættu að hafa hærri laun en eiginkonur þeirra
• Konur eiga að bera ábyrgð á heimilisstörfunum
• Konur eru tilfinningaríkari en karlar
• Konur eru ekki góðar sem yfirmenn
• Karlar ættu aldrei að gráta
• Karlar eru ekki hæfir til að sjá um ungabörn
• Konur geta ekki unnið erfiða líkamlega vinnu

Hér að neðan er listi yfir leiki/störf sem börn taka þátt í. Flokkaðu atriðin eftir því hvort þér finnist þau frekar eiga við stúlkur eða drengi:

leika sér að dúkkum, gera við reiðhjól, syngja, leika fótbolta, flissa, klifra upp á þök, passa börn, leggja á borð, strauja, teikna, fara í mömmuleik, tína/kaupa blóm, fara í dansskóla, sauma, leika sér með vatnsbyssu, smíða kofa, fara á línuskauta, húkka far, skrifa dagbók, hlusta á tónlist, vera í tónlistaskóla, bera út blöð, stunda hestamennsku, slást, stela úr búðum, vera í skátunum, sund, handbolti, skíði, jazzballet, vera í ljósum, horfa á myndbönd, velja myndbönd í vinahópnum, stunda tölvuleiki, nota Netið, nota tölvuforrit, nota ritvinnslu.