88 / 161
Skali 3A
86
Ýmis verkefni
Þríhyrningur eða ferhyrningur
Þið þurfið
• sogrör
• pípuhreinsara
Aðferð
Komdu pípuhreinsurunum fyrir inni í sogrörunum þannig að
smávegis af pípuhreinsurunum standi út úr báðum endum röranna.
Öll sogrörin eiga að vera jafn löng. Næst skaltu binda rörin saman
með því að vefja endum pípuhreinsaranna hverjum um annan.
1
Búðu til einn þríhyrning og einn ferhyrning.
a
Athugaðu hvort formið er stífara.
b
Hvað geturðu sagt um hornin í þessum tveimur formum?
2
Byggðu við þríhyrninginn þannig að þú búir til þrístrendan píramída (fjórflötung).
Byggðu einnig við ferhyrninginn og búðu til tening.
a
Leggðu mat á hvor þeirra fjórflötungurinn eða teningurinn heldur
forminu betur ef kröftum er beitt til að skekkja þá.
b
Hvort formanna hentar betur ef stærri byggingarframkvæmdir eru
fyrirhugaðar? Útskýrðu hvers vegna.
3
Prófaðu að nota sömu aðferð og í lið 2 til að búa til
• áttflötung (þrívítt form úr 8 jafnhliða, eins þríhyrningum)
• tvítugflötung (þrívítt form úr 20 jafnhliða, eins þríhyrningum)
• tólfflötung (þrívítt form úr 12 jafnhliða, eins fimmhyrningum)
Er auðveldara að búa sum formin til en önnur? Ef svo er – hvaða form
og hvers vegna?