Kafli 4 • Tölfræði
35
Ýmis verkefni
Í langri halarófu
Þetta verkefni er fyrir alla bekkjardeildina.
Þið þurfið
• pappír
• blýant
Aðferð
1
Finnið stað þar sem er gott pláss.
2
Raðið ykkur upp í „langa halarófu“ eftir því hve mörg systkini þið eigið.
Þeir sem eiga ekki systkini eiga að standa lengst til vinstri í röðinni og síðan
raðast hinir í röðina eftir því sem þeir eiga fleiri systkini. Þið megið ekki tala
saman heldur þurfið þið að nota fingurna til að hafa samskipti hvert við annað.
3
Nemandinn, sem stendur lengst til vinstri í röðinni, er númer 1. Síðan kemur
númer 2, 3, 4 og þannig áfram allt til síðasta nemandans. Þetta eigið þið að nota
til að finna nemandann, sem táknar miðgildið, og jafnframt hve mörg systkini
hann á.
4
Byrjið á nemandanum sem stendur lengst til vinstri í röðinni. Nemendur segja
„núll“ ef þeir eiga engin systkini. Næsti nemandi bætir við fjölda systkina sinna.
Þegar síðasti nemandinn nefnir tölu á það að vera summan af fjölda systkina
sem allir nemendur bekkjardeildarinnar eiga.
Nemendur finna meðaltal fyrir fjölda systkina í bekkkjardeildinni og skrá
niðurstöðu.
5
Nú stilla nemendur sér upp hver fyrir aftan annan þannig að þeir sem eiga sama
fjölda systkina eru í sömu röð. Nemendur telja og skrifa niðurstöður í tíðnitöflu.
6
Hvernig getið þið raðað öllum í bekkjardeildinni þannig að greinilegt sé „hver eða
hverjir“ tákni tíðasta gildið? Hvert er tíðasta gildið?
7
Notið töflureikni og útbúið kynningu á niðurstöðum úr þessu verkefni.
