16 / 132
ORÐSPOR
2
14
Fótbolti
Tár, bros og takkaskór
1990
Kiddi og Tryggvi eru fjórtán ára og æfa báðir fótbolta. Í upphafi bókar er
skólinn að byrja eftir sumarfrí og tveir nýir nemendur eru í bekknum,
Agnes sem Kiddi verður skotinn í og Skapti sem verður vinur þeirra, þrátt
fyrir að hafa meiri áhuga á ljóðagerð og ballett en fótbolta. Margt drífur á
daga bekkjarins því grunnskólamótið í fótbolta er haldið, Kiddi og Tryggvi
reyna að komast í unglingalandsliðið og ekki má gleyma að nefna skíða-
ferðalagið í Kerlingafjöll.
Tár, bros og takkaskór
var önnur bók Þorgríms Þráinssonar en fyrsta bókin
hans
Með fiðring í tánum
kom út ári áður. Þorgrímur hefur verið iðinn
höfundur og aðallega skrifað barna- og unglingabækur.
Fyrir bókina
Tár, bros og takkaskór
hlaut Þorgrímur Barnabókaverð-
laun fræðsluráðs Reykjavíkur árið 1991. Það er ekki eina viðurkenn-
ingin sem Þorgrímur hefur hlotið heldur hlaut hann m.a. Íslensku
barnabókaverðlaunin árið 1997 fyrir bókina
Margt býr í myrkrinu
og
aftur árið 2010 fyrir
Ertu Guð, afi?
Sú síðari hlaut einnig Bókaverðlaun
barnanna 2011.
„Ég er Kiddi og þetta er Tryggvi, vinur minn,“ sagði Kiddi og rétti Skapta höndina.
„Við værum alveg til í að vera vinir þínir ef þú kannt eitthvað í fótbolta,“ bætti Kiddi við.
„Nei, ég er bara að grínast en það væri ekkert verra þótt þú gætir eitthvað í fótbolta því
okkur veitir ekki af að styrkja skólaliðið.“
Víða í þessari bók áttu eftir að
rekast á bókahillur. Í þeim eru bækur
sem fjalla um svipað efni
en koma út með nokkurra ára millibili.
Bókahillan