10 / 132
ORÐSPOR
2
8
Til hvers að þjálfa hugann?
Við getum þjálfað heilann rétt eins og við getum gert styrktaræfingar til að vöðvarnir í
líkamanum verði sterkari og hreyft okkur daglega til að bæta þolið. En til hvers að þjálfa
hugann? Jú, til að hann verði eins sterkur og úthaldsgóður og mögulegt er. Við getum t.d.
þjálfað hugann í að muna hluti, reikna í huganum, einbeita okkar í lengri tíma án þess að
þreytast, lesa hraðar, ímynda okkar aðstæður og finna skapandi lausnir á verkefnum.
Vísindamenn hafa rannsakað minni fólks í mörg ár. Minnið er okkur mikilvægt því allt
sem við lærum og upplifum geymum við í minninu. Ekki bara efni sem tengist skólanum
heldur líka öll orð sem við höfum lært, ferðalög sem við höfum farið í, lög sem við heyrum
og lykt sem við finnum.
Lokið augunum
og hugsið um lag
eða lykt sem kallar
fram einhverja
minningu hjá
ykkur.
Minnið er mjög flókið en ef við einföldum málið svo um munar má segja
að það skiptist niður í
skammtímaminni
og
langtímaminni
.
Skammtímaminnið geymir upplýsingar í nokkrar sekúndur.
Langtímaminnið geymir upplýsingar í marga klukkutíma, mánuði
og jafnvel ár.
Það er gott fyrir hugann að:
• leysa þrautir.
• læra nýja hluti.
• reikna í huganum.
• lesa texta og rýna í myndir.
• leggja á minnið.
• sofa vel á nóttunni.
Tilbúin, viðbúin, af stað … þjálfum hugann
Þjálfum athyglina
Ein leið til að þjálfa hugann er að veita hlutum athygli.
Skoðið saman þessar tvær myndir á næstu síðu og finnið atriði
sem eru ekki eins. Skrifið þau hjá ykkur. Alls eru 10 atriði ólík.
Kennari safnar saman atriðum á töfluna í lokin.