7 / 132
5
Fjólubláu orðin:
Í bókinni er víða að finna
fjólublá orð
.
Ef þú
skilur ekki orðin er tilvalið að spyrja kennarann
eða fletta upp í orðabók, hvort sem hún er prentuð
eða rafræn. Þessi orð voru sett í bókina sérstaklega
fyrir þá sem keppast við að auka orðaforða sinn.
Grínhildur gantast:
Sælar elskurnar mínar!
Óttalegt orðskrúð er þetta hjá karlanganum. Ætli hann sé
farinn að yrkja og stefni í að verða skáld nú á gamals aldri?
Tja, við skulum ekki velta okkur upp úr því og eyða tíma í að
tala um hann. Tölum frekar um mig.
Bestu þakkir, elsku trippin mín, fyrir öll fallegu bréfin, kveðj-
urnar og konfektið sem þið hafið sent útgefanda mínum.
Mikið var ég glöð að heyra hvað þið hrifust af mér í fyrri
bók, svona þrátt fyrir að ég hefði átt að eiga töluvert meira
rými í henni. Ég mun dinglast með ykkur við lesturinn og sjá
til þess að hann Málfróður okkar drekki ykkur ekki í form-
legheitum og leiðindum. Hann er jú ágætis karl en stundum
er gott að hægja aðeins á honum. Og ef við virðumst vera að
bruna framhjá gríni og glensi þá mun ég klossbremsa og
nauðhemla til að við missum ekki af góðu gamni. En nú setj-
um við í fyrsta gír og brunum af stað. Af stað! Túlílú!