9 / 132
1. KAFLI
7
Upphitun
Heilinn er mikilvægt líffæri í líkama okkar. Hann er mjög flókinn og það er hægt að segja að
hann sé stjórnstöð líkamans. Heilinn er miðstöð taugakerfisins og í raun er hann eins og
öflug tölva sem geymir minningar okkar. Hann stýrir því hvernig við hugsum og hvernig við
bregðumst við áreiti, hvernig okkur líður og hvernig við hreyfum okkur. Heilinn hefur þróast
mikið frá tímum frummanna og vísindamenn eru sífellt að læra eitthvað nýtt um heilann.
Albert Einstein var vísinda-
maður sem var uppi á
árunum 1879–1955. Hann
fékk Nóbelsverðlaunin í
eðlisfræði 1921 en er líkast
til þekktastur fyrir afstæðis-
kenninguna. Hann var
frekar seinþroska og átti erfitt með að fóta sig
í skóla sem varð til þess að honum leiddist
skólagangan framan af. En þegar hann eltist
fann hann sig í stærðfræði og eðlisfræði. Í dag
er hann goðsögn í heimi vísinda og hefur
sannarlega markað spor í sögu mannkynsins.
Mannsheili er þrisvar sinnum stærri en heilinn
í spendýrum að svipaðri stærð og maðurinn.
HEILINN ER VARINN AF
HÖFUÐKÚPUNNI SEM ER SAMSETT
ÚR 22 BEINUM.
Sagan segir að þegar Albert Einstein var krufinn hafi meina-
fræðingurinn stolið heilanum hans og geymt í krukku í um 20 ár.
Heili í fullorðnum einstaklingi vegur um 1,5 kg.
Þegar við vökum framleiðir heilinn sömu orku
og þarf til að lýsa upp meðalstóra ljósaperu.
Alli Æns er nú
bara svolítið líkur
honum Málfróði.
Þeir eru tvífarar
vikunnar!