130 / 140
Skali 1B
128
5.101
Finndu þína eigin aðferð til að leysa verkefnin hér á eftir.
Segðu bekkjarfélaga þínum hvernig þú leystir þau.
a
Kristín selur miða á tombólu á laugardegi og sunnudegi. Einn miði kostar
150 kr. Kristín selur fyrir samtals 3450 kr. um helgina. Á sunnudeginum
selur hún miða fyrir samtals 2100 kr.
Hve marga miða selur Kristín á laugardeginum?
b
Marteinn og Viðar opna hvor sinn sparireikning. Marteinn setur
kr. 50 000 inn á reikninginn. Því næst leggur hann 10 000 kr. inn
mánaðarlega. Viðar setur 25 000 kr. inn á reikninginn í upphafi og
leggur síðan 15 000 kr. inn mánaðarlega.
Eftir hve langan tíma eiga Marteinn og Viðar jafn mikið á reikningunum?
Ekki reikna vexti með.
c
Amanda er 12 ára. Faðir Amöndu er 41 árs.
Eftir hve mörg ár er aldur föðurins nákvæmlega tvöfaldur aldur
Amöndu?
5.102
Pétur á tvö börn, Kristin og Má. Eftir þrjú er aldur Kristins jafn tvöföldum
aldri Más. Már er fjórum árum yngri en Kristinn.
a
Hve gamall er Kristinn nú?
b
Eftir þrjú ár er aldur Más og Kristins samtals
3
__
8
af aldri Péturs.
Hve gamall er Pétur?
5.103
Skrifaðu hvert verkefni sem jöfnu og leystu hana.
a
María, Júlía og Ágústa skipta 6300 kr. milli sín. María fær þrefalda
upphæðina sem Júlía fær. Júlía fær tvöfalda upphæðina sem Ágústa fær.
Hve mikið fær Ágústa?
b
Nokkrar vinkonur fara á kaffihús. Allar kaupa kaffibolla á 300 kr. og
kökustykki á 500 kr. Þær borga samtals 4800 kr.
Hve margar voru vinkonurnar?
c
Pétur kaupir popp fyrir 250 kr. og fjórar gosflöskur. Páll kaupir popp
fyrir 550 kr. og tvær gosflöskur. Strákarnir tveir borga jafn mikið.
Hvað kostar ein gosfloska?
d
Í Algebruskóla eru 168 nemendur í 1.−4. bekk. Af þessum nemendum er
sá fjöldi, sem sækir frístundaheimili, þrefaldur sá fjöldi sem sækir ekki
slík heimili.
Hve margir nemendur sækja frístundaheimili?