PRJÓN 41 Sokkastærð 1. Mælið ummál fótar við rist. 2. Prjónið prjónfestuprufu. 3. Reiknið út lykkjufjölda, umreiknið fjölda fyrir uppfitjun, sjá á bls. 20 Stroff Sokkaprjónið byrjar á stroffi. Prjónið fyrstu umferðir með tveimur prjónum áður en lykkjum er skipt jafnt niður á fjóra prjóna. Aðferðin jafnar prjónið til í byrjun og kemur í veg fyrir að lykkjur falli af prjóni. Ef prjónað er stuðlaprjón eru prjónaðar 2 sléttar og 2 brugðnar. Þá hentugt að jafna til lykkjum þannig að hver prjónn byrji á tveimur sléttum lykkjum. Á þann hátt verður prjónið taktfastara, einnig verður auðveldara að koma auga á villur í því eða ef lykkja hefur fallið af prjóni. Sokkurinn situr betur á fæti ef stroffhlutinn er að minnsta kosti 5 cm langur. Hæll Hællinn er prjónaður í tveimur þrepum, fyrst hælstallur og síðan hæltunga. umferð 1 umferð 2 umferð 3 umferð 4 Styrktarprjón á hælstalli 1. Færið lykkjur frá prjóni 1 og 4 yfir á einn prjón. Garnendinn frá uppfitjun í byrjun er nú staðsettur fyrir miðju frá þessum prjóni. Fjöldi lykkja á hælstalli er oddatala. Ef lykkjufjöldi er slétt tala þá er ein lykkja fengin að láni frá t.d. 2. prjóni. 2. Byrjið að prjóna (sléttprjón) hælstall brugðið á röngu á eftirfarandi hátt: Takið eina lykkju óprjónaða (garnið á að vera fyrir framan þegar brugðin lykkja er tekin óprjónuð á röngu). Prjónið síðan aðra hverja lykkju brugðið og takið aðra hverja óprjónaða. Prjónið tvær síðustu lykkjur brugðnar. 3. Snúið við. Takið eina lykkju óprjónaða. Prjónið restina af lykkjunum slétt. 4. Endurtakið brugðnu umferðina og sléttu á víxl. Mátið sokkinn, prjónið þangað til hælstallur nær áætlaðri lengd.
RkJQdWJsaXNoZXIy MjIxNzc=