Ég og sjálfsmyndin – Kennsluleiðbeiningar | © Sigríður Steinunn Karlsdóttir | Menntamálastofnun 2022 | 2896 | 79 Umræðuefni: • Hafið þið verið beitt hópþrýstingi? • Hafið þið verið beðin um að gera eitthvað eða segja eitthvað sem þið viljið bara ekki segja/ gera? • Hvað haldið þið að muni gerast ef stúlkan á myndinni í bókinni segir „NEI TAKK!“? • Hvað haldið þið að krakkarnir sem þrýsta á hana geri ef hún segir nei? Af hverju haldið þið það? Hvernig kemur hún sér út úr þessum aðstæðum? • Hafið þið reynslusögur þar sem þið eruð í aðstæðum sem ykkur langar ekki að gera það sama og hópurinn? • Það þarf mikið hugrekki og sterka sjálfsmynd til að neita háværum hópi og margir láta undan þrýstingi því hugrekkið er ekki til staðar. Hvernig getum við undirbúið okkar og/eða ákveðið að segja hreint og skýrt NEI ef við lendum í svipuðum aðstæðum og stúlkan á myndinni? • Getið þið ákveðið hvað þið getið gert ef þið lendið í svona hópþrýsting? • Hafið þið æft ykkur að segja NEI? Það gæti verið skynsamlegt að undirbúa sig vel og íhuga hvað við myndum gera í hennar sporum. • Hversu auðvelt er að fá aðra til að framkvæma hluti sem þeir vita að eru ólöglegir. • Að þóknast öðrum kallast stundum meðvirkni. Kynnið ykkur það hugtak saman. Hugtök útskýrð: Eftirsóknarverður: Einhver sem er vert að fylgja eftir og sækist fólk gjarnan í manneskjur sem eru eftirsóknarverðar. Staðfastur: Að vera fastur fyrir, stöðugur í orðum, hugsunum og viðbrögðum. Áreiðanlegur.
RkJQdWJsaXNoZXIy MjIxNzc=