87 KENNSLUAÐFERÐIR Samvinnunám. Hér er að finna gagnlegar upplýsingar um samvinnunám sem kennarar geta nýtt til þess að skipuleggja nám nemenda með áherslu á samvinnu. Kennsluaðferðarvefur Bókmenntir. Þegar fjallað er um sögur eða brot úr sögum ummargvísleg samskipti er tilvalið að ræða efnið sérstaklega með tilliti til ofbeldis af ýmsum toga, þar á meðal útilokun, umtal, kúgun, vanrækslu, vanmat og líkamlegt ofbeldi. Dæmi: Heimsljós, Hljóðin í nóttinni, Njála, Jósef og bræður hans í Mósebók, ýmsar þjóðsögur o.fl. Fréttir. Fréttir og umfjöllun í fjölmiðlum þar sem umfjöllunarefnið er ýmis samskipti, jákvæð og neikvæð, einstaklingar eða hópar. Hvað eru góð samskipti, hvar liggja mörkin og hvers vegna? Atvinnuauglýsingar. Nemendur skoða atvinnuauglýsingar og greina hversu algengt er að krafist sé góðrar samskiptahæfni. Umræður um hvað þetta þýðir í raun, hvers vegna það sé mikilvægt og hvað þau sem bekkur geti gert til að efla samskiptafærni sína. Kvikmyndir. Horft á og rætt um kvikmyndir sem fjalla um einelti og annað ofbeldi. Dæmi: Odd Girls Out (fjallar um einelti meðal unglingsstúlkna), About a boy, Billy Elliot, Grimmd, Sögur af einelti (Bully), The Diary of Anne Frank, Vesalingarnir o.fl. Staðalmyndir. Bókmenntir, kvikmyndir, auglýsingar og fréttir má einnig nota til að hjálpa nemendum til að skoða staðalmyndir kynja, t.d. má hvetja þá til að prófa að skipta um kynferði persóna sem fjallað er um til að athuga hvort það virkar eða ekki og hvers vegna. Eftirtalin verkefni má laga að börnum á öllum aldri: • Kennarar og annað starfsfólk skóla ræði opinskátt um ólíkar kynhneigðir og kynvitundir, til að mynda með því að kynna fyrir nemendum réttindabaráttu hinsegin fólks. Einnig mætti benda á fyrirmyndir úr opinberu lífi, svo sem kvikmyndastjörnur, stjórnmálafólk eða tónlistarfólk sem er hinsegin. • Athugið að hinsegin fólk sé sýnilegt í efni skólans, á myndum á veggjum og í kvikmyndum sem eru sýndar. Kaupa þarf inn bækur sem fjalla um ólíkar kynhneigðir, jafnvel þó þær séu á erlendum tungumálum.
RkJQdWJsaXNoZXIy MjIxNzc=