4. KAFLI Leið til framtíðar – sjálfbær þróun 114 Það er stofnunin Global Footprint Network sem reiknar út vistspor þjóða. Til að lifnaðarhættir geti rúmast innan getu náttúrunnar má hver manneskja á Jörðinni núna ekki nota meira en 1,6 jarðarhektara (sjá mynd “Ecological footprint per person”). En meðalvistspor í heiminum í dag er 2,7 jarðhektarar þannig að mannkynið notar í heild meira en eina Jörð (í myndlíkingu), árið 2022 eru það 1,75 Jarðir. En við eigum bara eina Jörð þannig að með þessari ofnýtingu erum við að skerða m.a. möguleika framtíðarkynslóða á góðu lífi. Íslendingar tilheyra þeim hópi sem er með hvað stærst vistspor. Samkvæmt íslenskri rannsókn frá árinu 2010 er vistspor Íslendinga um 12,7 jarðhektarar. Ef allir jarðarbúar lifðu eins lífi og við hér þá þyrfti um 8 Jarðir til þess að standa undir auðlindaneyslu og úrgangsmyndun. Mynd 19: Vistspor ýmissa landa. Meðaltalið er 2,7 jarðhektarar. Munur á vistspori þjóða er mikill og endurspeglar ójöfnuð heimshluta. Þjóðir heims með stórt vistspor lifa á kostnað komandi kynslóða og arðræna núlifandi kynslóðir í öðrum löndum. Við í ríku löndunum lifum á kostnað náttúrulegra auðlinda, íbúa og réttinda fólks í öðrum löndum. Ótal margt sem hinn vestræni heimur flytur inn er unnið úr náttúrulegum auðlindum, oft með ofnýtingu og mengun og vinnuafli frá öðrum löndum, þar sem fólk starfar við misjafnar aðstæður. Dekkstu löndin: >6,7 jarðhektarar á ári Ljósustu löndin: <1,7 jarðhektarar á ári Hvítu löndin: Vantar upplýsingar – engir útreikningar
RkJQdWJsaXNoZXIy MjIxNzc=