4. KAFLI Leið til framtíðar – sjálfbær þróun 105 4.3 GRUNNSTOÐIR OG EINKENNI SJÁLFBÆRRAR ÞRÓUNAR Grunnstoðir sjálfbærrar þróunar eru náttúra, samfélag og hagkerfi. Mismunandi nálganir hafa verið notaðar sem lýsa afstöðu milli grunnstoðanna. En þar sem auðlindir Jarðarinnar eru takmarkaðar er nálgunin eins og hún er sett fram í mynd 13 að halda vel utan um hugtakið sjálfbæra þróun. Náttúra Samfélag Hagkerfi Mynd 13. Skýringarmynd á sjálfbærri þróun sem lýsir vel að náttúran gefur ákveðinn ramma sem þarf að virða. Takmarkaðar auðlindir Jarðar, náttúran, mynda lokuð kerfi sem samfélagið og hagkerfið eru hluti af. Innan náttúrunnar hefur maðurinn skapað samfélagið og hagkerfið hefur hann mótað innan samfélagsins. Það er því ljóst að hagkerfið verður að taka mið af þeim gildum sem móta gott samfélag og samfélagið þarf að laga sig að þeim kerfum og lögmálum sem náttúran setur. Það er grundvallaratriði og þar með nauðsynlegt að mannkynið virði náttúruna og athafni sig innan hennar takmarkana. Einkenni sjálfbærrar þróunar Til eru nokkur mikilvæg aðaleinkenni sem fléttast saman inn í hugtakið og skilgreiningu á sjálfbærri þróun og eru órjúfanlegir hlutar hennar. • Réttlæti innan og milli kynslóða og bæði milli landa og innan hvers lands. Réttlæti er bæði markmið og forsenda fyrir sjálfbærri þróun.
RkJQdWJsaXNoZXIy MjIxNzc=