160 Ljóðagreining 6. Um hvað er þetta ljóð? Mikilvægasta manneskjan í lífi mínu Þú komst inn í líf mitt eins og ljósglæta sem lýsir upp innstu myrkur sálar minnar líkt og í sjampóauglýsingu þar sem allt breytist til batnaðar ef þú prófar nýjasta undrasjampóið – fyrir allt hár. Þú ert ljósið í lífi mínu undrasjampóið mitt. Kristín Svava Tómasdóttir (13 ára) • Hvað segir titillinn þér? • Hvernig stemmning er yfir ljóðinu? Er það alvöruþrungið? Fyndið? Sorglegt? Hæðið? • Hvað er það í ljóðinu sem skapar stemmninguna? Eru það ákveðin orð? Er það umfjöllunarefnið? Myndmálið? • Hver er ljóðmælandinn? • Hver er undrasjampóið? 7. Um hvað er þetta ljóð? Lífið Skýin fljóta áfram eins og iðandi fólkið á jörðinni. Vindurinn þýtur um götur og stræti eins og stressað fólk. Sólin skín skært eins og stjörnurnar í Hollywood. Norðurljósin flæða um himininn eins og stórfljót heimsins. Regnboginn skín í sínum skærustu litum eins og náttúra Íslands. Björk Þorgrímsdóttir (14 ára) • Hvað segir titillinn þér? • Hvernig myndmál er í ljóðinu? • Hvaða áhrif hefur myndmálið? Sérðu ljóðið fyrir þér? • Hvernig myndir þú lýsa þeim fyrirbærum sem skáldið lýsir? – Skýin … – Vindurinn … – Sólin … – Norðurljósin … – Regnboginn …
RkJQdWJsaXNoZXIy MjIxNzc=