70 Efni og áhöld – efni með afgerandi uppistöðu- og ívafsþráðum (einstefta) – strammi eftir þörfum – útsaumsgarn sem hentar útsaumsefninu – nál með rúnnuðum oddi – útsaumshringur eftir þörfum Flatsaumur, skattering og refilsaumur Í þessum útsaumsgerðum eru fernings-, þríhyrningslöguð eða sveigð form fyllt upp með útsaumsgarni. Flatsaum er einnig hægt að sauma á frjálsan hátt með mismunandi löngum sporum sem látin eru þekja yfirborð efnis. Saumað er í þéttofið efni og notuð nál með hvössum oddi. Flatsaumur (sjá bls. 65) 1. Útfærið munstur með aðstoð gluggaramma. Klippið ferkantað gat (t.d. 5 x 5 cm) í karton. Dragið gluggann yfir mismunandi myndir, t.d. í tímaritum. Staldrið við þar sem samsetning forma er áhugaverð. Stækkið fyrirmyndina í áætlaða stærð, t.d. 15 x 15 cm. Litsetjið fyrirmyndina. 2. Klippið útsaumsefni sem er aðeins stærra en fyrirmyndin (18 x 18 cm). Teiknið fyrirmyndina á efnið með blýanti. 3. Saumið út og þekið yfirborðið með flatsaumssporum. Flatsaum er hægt að sauma í lárétta eða lóðrétta átt og á ská. Notið nál með rúnnuðum oddi ef saumað er í stramma. 4. Rammið inn útsaumsverkið t.d. með efnisræmum (bútasaum). ranga Fuglamyndin er saumuð með refilsaumi og er af Njálureflinum sem saumaður var á Hvolsvelli. Refilsaumur.
RkJQdWJsaXNoZXIy MjIxNzc=