101 ÝMSAR TEXTÍLAÐFERÐIR Perluvefnaður 1. Skipuleggið eigið munstur, teiknið og litið á rúðublað (millimetrapappír). Einn millimetri á blaði samsvarar einni perlu. Hæfileg breidd fyrir armband er 5, 7, eða 9 perlur. 2. Klippið rétthyrning úr stífu kartoni sem mælist 6 cm x 24 cm. Skerið skorur í stutthliðar á kartoni (uppi og niðri) með nokkurra millimetra millibili. Bætið við einni skoru miðað við áætlaðan fjölda þráða á armbandi. 3. Byrjið að vefja uppistöðuna á kartonið. Límið bandendann við bakhliðina með límbandi. 4. Vefjið bandið utan um kartonið og í skorurnar hverja á eftir annarri. Því jafnara sem uppistaðan er strekkt á kartonið því auðveldara er að vefa. Klippið ekki endann af í lokin. 5. Færið endann yfir í fyrstu skoruna og snúið kartoni yfir á framhlið. Hnýtið endann fastan með hnút við fyrsta (ysta) uppistöðuþráðinn. Mælið 120 cm langt band af uppistöðuþræðinum og klippið af. Þræðið bandið í nálina. Vefið bandið (ívafið) í uppistöðuna, til skiptis yfir og undir hvern þráð og á víxl í hvorri umferð. Endið vinstra megin.
RkJQdWJsaXNoZXIy MjIxNzc=