7.3 61 NÚVITUND OG HUGARRÓ Að borða poppkorn með vakandi athygli getur verið góð skemmtun. Þá virkjarðu öll skynfærin þegar þú borðar og borðar bara eitt poppkorn í einu. Byrjaðu á því að horfa á poppkornið, skoða lögun þess, snertu það til að finna áferð þess og lyktaðu svo af því. Þú getur jafnvel lyft því upp að eyranu og kannað hvort þú heyrir eitthvað í því. Skoðaðu poppkornið með opnum huga og forvitni eins og þú hafir aldrei séð neitt slíkt áður. Þegar þú ert tilbúin/n/tilbúið þá geturðu opnað munninn og leyft poppinu að liggja smá stund á tungunni áður en þú byrjar að tyggja það. Á sama tíma fylgistu með því sem er að gerast í líkama þínum, finnurðu fyrir einhverju, ef til vill finnurðu hvernig munnvatnið eykst eða þá að þú tekur eftir einhverju öðru. Þú getur prófað að borða fjölmargt á sama hátt, t.d. getur verið áhugavert að borða epli mjög hægt og virkja öll skynfærin um leið og það er borðað. POPPKORN AÐ BORÐA MEÐ VAKANDI ATHYGLI
RkJQdWJsaXNoZXIy MjIxNzc=