Ég og sjálfsmyndin – Kennsluleiðbeiningar | © Sigríður Steinunn Karlsdóttir | Menntamálastofnun 2022 | 2896 | 58 NÆSTA STOPP: KYNPROSKINN Bls. 61-75 Í kaflanum lærum við að: • kynþroskinn er bæði líkamlegar og andlegar breytingar. • líkamsvirðing í tengslum við samfélagsmiðla, auglýsingar og aðra miðla brengla ímynd okkar um heilbrigði og heilbrigða líkama. • kynheilbrigði er mikilvægt en það er að virða mörk annarra og setja okkur eigin mörk. • kynvitund, kynhneigð og upplifun okkar í líkama okkar er allskonar og allir hafa rétt á því að vera eins og þeir eru. Um kaflann Kaflinn fjallar um líkamlegan og andlegan kynþroska og það sem því fylgir, bæði ábyrgð og heilbrigði. Fjallað er um þær breytingar sem verða á líkamanum en einnig um það hvernig hugurinn þroskast. Í kaflanum er fjallað um mikilvægi kynheilbrigðis og ábyrgðar í kynlífi. Hver og einn þarf að læra að setja sér mörk um það sem hann vill og vill ekki um leið og mörk annarra eru virt. Kaflinn tekur einnig umræðuna um staðalímyndir um kynin, meðvitaðar og ómeðvitaðar fordóma, kynjamisrétti og jafnréttisbaráttu. Nemendur fræðast stuttlega um klám og hætturnar sem fylgja því, t.d. hvernig klám dregur upp ranga mynd af samskiptum fólks. Tengsl kaflans við hæfniviðmið íþrótta: Við lok 7. bekkjar getur nemandi: • rætt líkamsvitund, kynheilbrigði, staðalímyndir í íþróttaumfjöllun og tekið virka afstöðu gegn ofbeldi. • útskýrt misjafnan líkamlegan þroska einstaklinga og kynja Tengsl kaflans við hæfniviðmið samfélagsgreina: Við lok 7. bekkjar getur nemandi: • lýst með dæmum gildi jákvæðra lífsviðhorfa, dygða og gildismats fyrir eigin sjálfsvitund. • áttað sig á ólíkum kynhlutverkum á nokkrum sviðum og hvernig þau mótast og breytast. • gert sér grein fyrir jafngildi sínu og annarra manna og rætt þýðingu þess. • tekið þátt í lýðræðislegu samstarfi og samræðu. • borið kennsl á ólíkan bakgrunn fólks og virt frelsi þess til mismunandi trúar, lífsgilda, skoðana og lífshátta. • metið og brugðist við ólíkum skoðunum og upplýsingum á fordómalausan hátt. • nefnt dæmi um gildi jafnréttis og mannréttinda í samfélaginu og rætt áhrif staðalímynda. • sýnt sanngirni, sjálfstraust og virðingu í samskiptum og samvinnu við aðra. Tengsl kaflans við hæfniviðmið náttúrugreina: Við lok 7. bekkjar getur nemandi: • lýst helstu líffærakerfum mannslíkamans og starfsemi þeirra í grófum dráttum. • lýst breytingum sem verða við kynþroskaaldur og gert sér grein fyrir mikilvægi gagnkvæmrar virðingar í samskiptum kynjanna.
RkJQdWJsaXNoZXIy MjIxNzc=